ភ្នំពេញ ៖ស្ត្រីម្នាក់រងរបួសធ្ងន់ទាំងព្រឹកត្រូវបានរថយន្តដឹកបញ្ជូនទៅកាន់មន្ទីរពេទ្យភ្លាមៗក្រោយជិះម៉ូតូត្រូវ រថយន្តបែនដឹកដីបុក។
បង្កការភ្ញាក់ផ្អើលនៅវេលាម៉ោង ០៧ព្រឹកថ្ងៃទី ០៤ ខែកក្កដា ឆ្នាំ ២០២០ ស្ថិតនៅតាមបណ្ដោយផ្លូវបេតុង ក្នុងសង្កាត់កាកាបទី២ ខណ្ឌពោធិ៍សែនជ័យ។
ប្រភពបានឲ្យដឹងថាមុនពេលកើតហេតុគេឃើញមានស្ត្រីម្នាក់ជិះម៉ូតូម៉ាកសង់សេ125 ពណ៌ខ្មៅពាក់ស្លាកលេខ ភ្នំពេញ1GI -8730ធ្វើដំណើរក្នុងទិសដៅពីកើតទៅលិចលុះមកដល់ត្រង់ចំណុចកើតហេតុស្រាប់តែមានរថយន្តបែនដឹកដីមួយគ្រឿងអត់ពាក់ស្លាកលេខបើកបរដោយបុរសម្នាក់ក្នុងទិសដៅពីលិចទៅកើតក្នុងល្បឿនលឿនរួចបួងចង្កូតមិនទាន់ក៏ជ្រុលទៅបុកនិងម៉ូតូបណ្ដាលឲ្យស្ត្រីម្នាក់ខ្ទាតចេញពីផ្លូវចូលក្នុងព្រៃរងរបួសធ្ងន់ត្រូវបានប្រជាពលរដ្ឋទំនាក់ទំនងរថយន្តសង្គ្រោះបន្ទាន់យកទៅមន្ទីរពេទ្យភ្លាមៗ ចំណែកឯម្ចាស់រថយន្តបង្កត្រូវសមត្ថកិច្ចឃាត់ខ្លួនយកទៅប៉ុស្តិ៍នគរបាលរដ្ឋបាលកាកាបទី២ដើម្បីសាកសួរ។
ក្រោយកើតហេតុសមត្ថកិច្ចមូលដ្ឋានបានមកដល់រួចទាក់ទងទៅសមត្ថកិច្ចជំនាញចរាចរណ៍ធ្វើការវាស់វែងយករថយន្តបង្កនិងម៉ូតូជនរងគ្រោះទៅរក្សាទុករង់ចាំធ្វើការដោះស្រាយគ្នានៅពេលក្រោយតាមផ្លូវច្បាប់៕
