ភូមិភាគ៥៖យោងតាមបទបញ្ជារបស់ឯកឧត្តមមេបញ្ជាការរងកងទ័ពជើងគោក មេបញ្ជាការយោធភូមិភាគទី៥
នាព្រឹកថ្ងៃទី៧ ខែកក្កដា ឆ្នាំ២០២០ លោកឧត្តមសេនីយ៍ទោ ច័ន្ទ រដ្ឋា មេបញ្ជាការរងយោធភូមិភាគទី៥ ទទួលបន្ទុកការងារព្រំដែន បានដឹកនាំក្រុមការងារចុះត្រួតពិនិត្យ និងប្រជុំពង្រឹងក្រុមការងារទំនាក់ទំនងកម្ពុជា-ថៃ ច្រកពាមតា និងច្រក២០៣ ស្ថិតក្នុងស្រុកសំឡូត ខេត្តបាត់ដំបង ។
លោកឧត្តមសេនីយ៍ទោ ច័ន្ទ រដ្ឋា បានធ្វើការផ្តាំផ្ញើដល់ក្រុមការងារទំនាក់ទំនងតាមបណ្ដាច្រក ត្រូវចេះសាមគ្គី ឯកភាព រួមគ្នាគិតរួមគ្នាធ្វើ រួមគ្នាដោះស្រាយ ដើម្បីផលប្រយោជន៍របស់អង្គភាពនិងប្រទេសជាតិ ទប់ស្កាត់រាល់បទល្មើសផ្សេងៗតាមច្រកព្រំដែនដែលខ្លួនទទួលខុសត្រូវឲ្យមានប្រសិទ្ធភាពខ្ពស់ ។
ក្នុងដំណើរបេសកកម្មចុះត្រួតពិនិត្យ និងប្រជុំ តាមបណ្ដាច្រកព្រំដែនកម្ពុជា-ថៃ គឺធ្វើឡើងសំដៅពង្រឹងការងារទំនាក់ទំនងរវាងភាគីមិត្ត ព្រមទាំងពង្រឹងបន្ថែមនូវសន្តិសុខ សុវត្ថិភាពជូនប្រជាពលរដ្ឋដែលរស់នៅតាមបន្ទាត់ព្រំដែនកម្ពុជា-ថៃ ទិសយោធភូមិភាគទី៥ ។
