ខេត្តបាត់ដំបង៖កាលពីថ្ងៃ ចន្ទ៨រោជខែអាសាឍឆ្នាំជូត ទោស័ក ព.ស. ២៥៦៤ត្រូវនឹងថ្ងៃទី ១៣ខែ កក្កដា ឆ្នាំ២០២០វេលាម៉ោង១៥និង០០នាទីអនុវត្តតាមមតិដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលេីនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង ព្រមដោយការណែនាំជំនាញពីលោកឧត្តមសេនីយ៍ត្រី កុយហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ឯក ផង់ សុភាព អធិការនគរបាលស្រុកថ្មគោល សហការណ៍ជាមួយនគរបាលក្រុងបាត់ដំបងដែលមានលោកវរសេនីយ៍ឯក ឆាង វណ្ណឆៃ ជាអធិការនគរបាលក្រុង បានចុះប្រតិបត្តិការបង្រ្កាបមុខសញ្ញារក្សាទុកដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែងក្នុងនោះសមត្ថកិច្ចបានឃាត់ខ្លួនជនសង្ស័យចំនួន០២នាក់គឺ៖
១-ឈ្មោះចន សុផាច់(ហៅ គោ) ភេទប្រុសអាយុ៣៦ឆ្នាំនៅភូមិ ក្រសាំង ឃុំតាមុីន ស្រុកថ្មគោល ខេត្តបាត់ដំបង។
២-ឈ្មោះ ម៉ូត សុខម៉េង ភេទប្រុស អាយុ១៧ឆ្នាំ មានទីលំនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។
វត្ថុតាងចាប់យកបានរួមមាន៖
១-ម្សៅក្រាមពណ៌សថ្លាច្រកក្នុងថង់ប្លាស្ទិក ចំនួន០៣ថង់ទម្ងន់៣៩,៥១ក្រាមទាំងសំបក)សង្ស័យមានសារធាតុញៀនប្រភេទមេតំហ្វេតាមីនICE
២-អាវុធខ្លីម៉ាករ៉ូឡូចំនួន០១ដេីមមានគ្រាប់
ចំនួន០២គ្រាប់សំបគ្រាប់ចំនួន០១
៣-កាបូបខ្មៅ០១ក្នុងនោះមានប្រាក់ចំនួន១,៤០០.០០០រៀល(មួយលានសែសិបម៉ឺនរៀល)
៤-ខ្សែកប្លាទីនចំនួនមួយខ្សែ
៥-ទូរស័ព្ទដៃចំនួន០១គ្រឿង
៦-ដែកកេះចំនួន០១
៨-ថង់សំរាប់ច្រកគ្រឿងញៀនមួយចំនួន។
ជនស័ង្សយនិងវត្ថុតាងនគរបាលស្រុកបញ្ជូនមកការិយាល័យជំនាញដេីម្បីចាត់ការបន្តតាមនីតិវិធី៕
