ខេត្តត្បូងឃ្មុំ ៖ ល្បែងស៊ីសង ជល់មាន់អាប៉ោង យូគី នៅក្នុងកាស៊ីណូមួយកន្លែងដែលស្ថិតក្នុងភូមិអន្លុងជ្រៃ ឃុំកក់ ស្រុកពញាក្រែក ខេត្តត្បូងឃ្មុំ បាននិងកំពុងបើកលេងល្បែងជល់មាន់អាប៉ោង យូគី មានលក្ខណៈទ្រង់ទ្រាយធំ សុទ្ទសឹងតែពលរដ្ឋខ្មែរទាំងអស់ ហើយអ្នកញៀនល្បែងនោះបានចូលលេងយ៉ាងច្រើនកុះករ ដោយមិនមានការភ័យខ្លាចចំពោះសមត្ថកិច្ចមូលដ្ឋានឡេីយ។
ដោយមានម៉ូតូឡានរាប់រយគ្រឿង ហាក់គ្មានការភ័យខ្លាច ពីការចុះបង្រ្កាបរបស់សមត្ថកិច្ចនោះឡើយ ។
បេីតាមប្រភពពីអ្នកញៀនល្បែងជល់មាន់បានឲ្យដឹងថា មានការភ្នាល់ចាប់ពី១០០០ ដុល្លារហូតដល់៥០០០ដុល្លា សម្រាប់ ពិសេសគឺថ្ងៃសៅរ៍នឹងថ្ងៃអាទិត្យរីឯថ្ងៃខុសពីនឹងគឺដើមផាន់ចាប់ពី៥០ ម៉ឺន ១លាន ២លាន ថ្ងៃធម្មតា អាប៉ោងមានការចាក់រាប់លានពេញៗហាន់តោតែម្តង។
ចំណែកយូគី វិញ ក៏ការចាក់វាល់លានផងដែរសម្រាប់អ្នកញៀនល្បែងទាំងនោះ បើនិយាយពីសមត្ថកិច្ចមូលដ្ឋាន ស្រុក ខេត្ត វិញហាក់បីដូចជាមិនអើពើក្នុងការបង្ក្រាបឡើយ គេសង្ស័យថា មានខ្នងបង្អែកយ៉ាងរឹងមាំនៅខាងក្រោយទើបសមត្ថកិច្ចមិនហ៊ានប៉ះពាល់បែបនេះ ។
ពលរដ្ឋលេីកឡេីងថា បើនៅតែបណ្ដែតបណ្ដោយអោយពលរដ្ឋខ្មែរចូលលេងល្បែងស៊ីសងយូគីអាប៉ោង និង ជល់មាន់ នេះបន្តទៀត ពិតជាមានផល់ប៉ះពាល់យ៉ាងធ្ងន់ធ្ងរដល់ប្រជាពលរដ្ឋ និងប៉ះពាល់ដល់សន្តិសុខ សុវត្តិភាព សណ្តាប់ធ្នាប់ភូមិឃុំ ជាក់ជាពុំខានឡើយ។
ជាពិសេសនោះ គឺគោលនយោបាយភូមិឃុំមានសុវត្តិភាពទាំង៩ចំណុច របស់ ក្រសួងមហាផ្ទៃនិងបទបញ្ជារបស់សម្តេច ក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលប្រជាពលរដ្ឋគ្រាំទ្រយ៉ាងពេញទំហឹងនោះ។
តែបែរជាកាសុីណូស្ថិតនៅក្នុងភូមិអន្លុងជ្រៃ ឃុំកក់ ស្រុកពញាក្រែក ខេត្តត្បូងឃ្មុំ កំពុងគៀងគរប្រជាពលរដ្ឋខ្មែរចូលលេងល្បែងសុីសងទាំងអស់នេះទៅវិញ។
ប្រជាពលរដ្ឋ មានការព្រួយបារម្ភយ៉ាងខ្លាំងចំពោះការបើកការស៊ីណូ ខាងលើនេះហើយពួកគាត់បានសំណូមពរយ៉ាងទទូចទៅអភិបាលខេត្តឯកឧត្ដម ជាម ច័ន្ទសោភ័ណ្ឌ អភិបាលខេត្តត្បូងឃ្មុំ និងលោក ប៉ែន រត្ន័ ស្នងការនគរបាលខេត្ត ពិនិត្យ និងចុះចាត់វិធានការចំពោះកាស៊ីណូខាងលើនេះផង ដើម្បីចូលរួមគាំទ្រនូវគោលនយោបាយភូមិឃុំមានសុវត្តិភាពទាំង៩ចំណុច របស់ ក្រសួងមហាផ្ទៃ និងបទបញ្ជារបស់សម្តេច ក្រឡាហោម ស ខេង ៕
