ខេត្តកែប៖លោកឧត្តមសេនីយ៍ត្រី សម្បត្តិ សុធារដ្ឋ ស្នងការនគរបាលខេត្តកែប និងលោកស្រី នៅព្រឹកថ្ងៃព្រហស្បតិ៍ ទី១៦ ខែកក្កដា ឆ្នាំ២០២០ បានអញ្ជើញជាអធិបតីក្នុងពិធីក្រុងពាលី បញ្ចុះបឋមសិលា កសាងអគារធ្វើការ នៃស្នងការដ្ឋាននគរបាលខេត្តកែប ចំនួន១ខ្នង ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ។ ដោយយោងតាមតម្រូវការចាំបាច់របស់ស្នងការដ្ឋាននគរបាលខេត្តកែប ដែលកំពុងខ្វះខាតអគារសម្រាប់ធ្វើការ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ បានឧបត្ថម្ភអគារចំនួន១ខ្នង ដែលមានទំហំ១០x២០ម៉ែត្រ កំពស់៣ជាន់។
អញ្ជើញចូលរួមក្នុងឱកាសនោះ មានលោក លោកស្រីស្នងការរង នាយ នាយរងការិយាល័យ និងមន្ត្រីកងកំលាំងនគរបាលខេត្តជាច្រើនរូបទៀតផងដែរ។
