ខេត្ត ឆះឆើង សៅ៖ លួចដឹកជញ្ជូនពលករខ្មែរចូលប្រទេស ល្មើសច្បាប់ហាមចូលប្រទេសអំឡុងស្ថានការណ៍កូវីត-19រាត្បាត ចាប់បានទ្រង់ទ្រាយធំដល់ទៅ៨៨នាក់ ស្ពាយទាំងកូនក្មេងនៅក្រហមរងៀល ដោយប្រាប់ថា ដើររហូតដល់ទៅ៨ម៉ោងទើបដល់ព្រំដែន ហើយនាំគ្នាឆ្លងចូលមកប្រទេសថៃ ដោយចំណាយថ្ងៃនាំផ្លូវក្នុងម្នាក់៣,៦០០បាត។នៅថ្ងៃទី១១ ខែកក្កដា ឆ្នាំ២០២០ វេលាម៉ោង១១,០០នាទី នៅសាលប្រជុំជាន់ទី២ របស់សាលាខេត្តឆះ ឆើងសៅ បានរៀបចំកិច្ចប្រជុំផ្សព្វផ្សាយលទ្ធផល នៃការចាប់ខ្លួនបណ្ដាញលួចដឹកជញ្ជូនពលករ ដែលលួចឆ្លងដែនចូលប្រទេសដោយខុសច្បាប់ នឹងល្មើសច្បាប់គ្រាអាសន្ន ហាមចូលប្រទេសក្នុងអំឡុងស្ថានការណ៍រាត្បាតរបស់ខូវីត-19 ។បន្ទាប់មកសមត្ថកិច្ចក៏បានសួរចម្លើយជនជាតិថៃ៥នាក់ ដែលជាអ្នកនាំ ឬលួចដឹកជញ្ជូនពលករបរទេសចូលមកពីទឹកដីស្រុកតាព្រះយ៉ា នឹងស្រុកអារញ្ញ ខេត្តស្រះកែវ នាំមកស្នាក់នៅបរិវេណព្រៃល្បាសក្បែរផ្លូវ សុវីត ធួង(304) ក្នុងទឹកដីឃុំណាម ឌែង ស្រុកទីរួមខេត្ត ខេត្តឆះឆើង សៅ ដើម្បីរង់ចាំអ្នកមកទទួលនឹងដឹកជញ្ជូនបន្តឲ្យទៅធ្វើការនៅឯទីក្រុងបាងកក នឹងជុំវិញខេត្តឆះឆើង សៅ ដោយមានជនត្រូវចោទជាពលករខ្មែរ ប្រុស៥០នាក់ ស្រីជាង៣០នាក់ នឹងក្មេង៥នាក់ សរុប៨៨នាក់។សមត្ថកិច្ចថ្លែងពីលទ្ធផលនៃការចាប់ខ្លួនពលករបរទេសក្រុមនេះថា មានមេខ្យល់ជនជាតិខ្មែរទាក់ទងមកមេខ្យល់ជនជាតិថៃ ដើម្បីលួចនាំពលករទាំងនេះចូលមកតាមច្រករបៀង ក្នុងទឹកដីស្រុកតាព្រះយ៉ា ស្រុកអារញ្ញ ខេត្តស្រះកែវ។ទើបសមត្ថកិច្ចតាមមកដល់កន្លែងស្នាក់ដើម្បីរង់ចាំបញ្ជូនបន្តនៅទឹកដីខេត្តឆះឆើង សៅ នឹងបានចាប់ខ្លួននៅវេលាម៉ោង០៧,០០នាទី ថ្ងៃនេះ នឹងធ្វើការពិនិត្យសុខភាព នឹងធ្វើកំណត់ហេតុដើម្បីសួរនាំនឹងបញ្ជូនត្រឡប់តាមគោលការណ៍ច្បាប់បន្ត។សម្រាប់ជនជាតិថៃ៥នាក់ សមត្ថកិច្ចបានត្រៀមចោទប្រកាន់ ដើម្បីអនុវត្តតាមនិតិវិធីច្បាប់ នឹងដកហូតវត្ថុតាងរថយន្តប៊ិកអាប់ចំនួន៥គ្រឿង យកទៅរក្សាទុកដើម្បីបំបែកសំណុំរឿងចាប់ខ្លួនបន្តទៀត។ដោយឡែកបុរសឈ្មោះ ស្វាង វន អាយុ៣៣ឆ្នាំ ជាពលករខ្មែរ ថ្លែងថា ខ្លួនឯងធ្លាប់ចូលមកធ្វើការជាកម្មករសំណង់នៅស្រុក ស្រីមហា ពោធិ៍ ខេត្តប្រាជីន បុរី នឹងបានធ្វើដំណើរត្រឡប់ទៅប្រទេសវិញអំឡុងខែមិនាកន្លងមក តែនៅប្រទេសថៃមានការងារធ្វើ ទើបចង់ត្រឡប់មកធ្វើការនៅប្រទេសថៃទៀត តែរង់ចាំយូរពេកទ្រាំមិនបាន ដោយសារព្រំដែនមិនបើ ទើបបាននាំគ្នាដើរដោយថ្មើជើងឆ្លងដែនមកប្រទេសថៃ តាំងពីវេលាម៉ោង១៩,០០នាទី ម្សឹលមិញ នឹងចូលមកដល់ចំណុចណាត់ជួបនៅវេលាម៉ោង០៣,០០នាទី មុនហ្នឹងមានរថយន្តមកទទួលដឹកទៅខេត្តឆះឆើង សៅ ដោយបានចំណាយលុយឲ្យមេខ្យល់នាំទៅចំនួន៣,៦០០បាត (បុរសឈ្មោះ ស្វាង វន ថ្លែង)៕
