ខេត្តបន្ទាយមានជ័យ ៖ នៅព្រឹក ថ្ងៃព្រហស្បតិ៍ ៣ កើត ខែស្រាពណ៍ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី២៣ ខែកក្កដា ឆ្នាំ២០២០ អាជ្ញាធរក្រុងប៉ោយប៉ែតបានដឹកនាំក្រុមការងារ នាំយកគ្រឿង ចុះកសាង ស្ថាបនា ហេដ្ឋារចនាសម្ព័ន្ធ សមិទ្ធផល ផ្សេងៗ ជាច្រើន នៅក្នុងភូមិអូរនាង សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
ដោយមាន លោក សាន តេង សមាជិកក្រុមប្រឹក្សាក្រុងប៉ោយប៉ែត លោក ហាក់ កុសល ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈក្រុង លោក ស្រិល អិន ចៅសង្កាត់ផ្សារកណ្ដាល លោក សំ វណ្ណី សមាជិកក្រុមប្រឹក្សាសង្កាត់ លោកលោកស្រី ក្រុមប្រឹក្សាសង្កាត់ អាជ្ញាធរមូល ចុះធ្វើសកម្មភាពការងារ អភិវឌ្ឍន៍ រួមមាន
១ នាំយកគ្រឿងចក្រ ចុះកៀរកិន ចាក់ថ្មមិច ផ្លូវលំ ០១ ខ្សែរ ប្រវែង៣០០ ម៉ែត្រ
២ ដាក់លូ ចំនួន ១២កង់
៣ កសាង ដងទង់ជាតិ ចំនួន០១
៤ ធ្វើស្លាក អក្សរក្លោងទ្វារ សាលា រៀនបឋមសិក្សាអូរនាង
៥ ជួសជុលផ្លូវ០១ ខ្សែ ប្រវែង ២,៥០០ ម៉ែត្រ នៅភូមិអូរនាង សង្កាត់ផ្សារកណ្ដាល
សូមបញ្ជាក់ថាក្នុងការចំណាថវិកា ដើម្បី ស្ថាបនា ផ្លូវ កសាង ហេដ្ឋារចនាសម្ព័ន្ធ ផ្សេងៗមួយចំនួន សរុបថវិកា ចំណាយ អស់ ចំនួន ៨,២០០ ដុល្លា ជាថវិការ ផ្ទាល់ខ្លួនរបស់ លោក សាន តេង សមាជិកក្រុមប្រឹក្សាក្រុងប៉ោយប៉ែត ខេត្តបន្ទាយមានជ័យ ។ដោយ ៖ចាន់ពុធ
