ស្វាយរៀង៖ព្រឹកថ្ងៃអង្គារ ០៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែ កក្តដា ឆ្នាំ២០២០ លោកស្រី សំ ថាវី អភិបាលរងស្រុកតំណាង លោក ថន ថាវុទ្ធា អភិបាល នៃគណៈអភិបាលស្រុកចន្ទ្រា និងលោក ហ៊ុន សារ៉េតថន មន្រ្តីការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀង បានអញ្ជើញចូលរួម ប្រគល់វ៉ាក់សាំង ថ្នាំព្យាបាល ថ្នាំសម្លាប់មេរោគ និងសម្ភារៈបរិក្ខារបសុពេទ្យ ដល់ការិយាល័យកសិកម្ម ធនធានធម្មជាតិ និងបរិស្ថានស្រុក រួមមាន៖វ៉ាក់សាំងសារទឹកចំនួន ៦០០០កំរិត វ៉ាក់សាំងអុតក្ដាមចំនួន ១៥០កំរិត ថ្នាំព្យាបាលចំនួន ១៦ដប ថ្នាំសម្លាប់មេរោគចំនួន ១០លីត្រ អាល់កុលចំនួន ៣លីត្រ ស៉ឺរ៉ាងចំនួន ៨ដើម ម្ជុលចំនួន ១៥ប្រអប់ ដង្កៀបចំនួន ៣គ្រឿង សំឡីចំនួន ៤ដុំ
ទែម៉ូម៉ែត្រចំនួន ៣ គ្រឿង ធុងទឹកកកចំនួន ១ អាវអៀមចំនួន ៣អាវ ស្រោមដៃក្រាស់ចំនួន ១ប្រអប់។
បន្ទាប់មក លោកស្រី សំ ថាវី អភិបាលរងស្រុកបានដឹកនាំក្រុមការងារ ចុះយុទ្ធនាការចាក់វ៉ាសាំងការពារជម្ងឺគោ ក្របី(សារទឹក)នៅភូមិពោធិ៍ ឃុំមេសរថ្ងក បានចំនួន ១៥៦ក្បាល ក្នុងនោះគោ ៩១ក្បាល ក្របី ៦៥ក្បាល ៕
