ក្រុងប៉ោយប៉ែត៖នៅព្រឹកថ្ងៃទី៣០ ខែកក្កដា ឆ្នាំ២០២០នេះ ក្រុមប្រឹក្សាក្រុងប៉ោយប៉ែត អាណត្តិទី៣ បានបើកកិច្ចប្រជុំសាមញ្ញលើកទី១៤ ក្រោមអធិបតីភាពលោក សាន ស៊ានហូ ប្រធានក្រុមប្រឹក្សាក្រុងប៉ោយប៉ែត និងលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ដើម្បីកំណត់សូចនាករបំពេញការងារសំខាន់ៗ និងគោលដៅនានាទាក់ទិននឹងកិច្ចការអាទិភាព និងទិសដៅអភិវឌ្ឍនីមួយៗក្នុងមូលដ្ឋានក្រុងប៉ោយប៉ែត។
ក្នុងកិច្ចប្រជុំនេះ មានវត្តមានអញ្ជើញចូលរួមពីលោក លោកស្រីអភិបាលរង នៃគណៈអភិបាលក្រុងប៉ោយប៉ែត, លោក លោកស្រីសមាជិក សមាជិកាក្រុមប្រឹក្សាក្រុង, លោកនាយក នាយករងរដ្ឋបាលក្រុង, លោក លោកស្រីប្រធានការិយាល័យ-អង្គភាពចំណុះក្រុង និងជុំវិញក្រុង, លោកចៅសង្កាត់ និងស្មៀនសង្កាត់ទាំង៣, និងអង្គការសង្គមស៊ីវិលដែលធ្វើសកម្មភាពក្នុងមូលដ្ឋានក្រុងប៉ោយប៉ែត ខេត្តបន្ទាយមានជ័យ៕
