ភ្នំពេញ៖បុរសម្នាក់សង្ស័យស្រវឹងស្រាបើករថយន្តតូយ៉ូតាព្រូសមួយគ្រឿងបោះពួយទៅបុកខឿនសួនរួចហោះរំលងសួនទៅបុកទូរ(ATM)បាក់ខ្ទេចខ្ទីចំណែករថយន្តខូចខាតស្ទើរទាំងស្រុង។សំណាងល្អមិនបង្កឲ្យមានអ្នករងរបួស។
ហេតុការណ៍នេះកើតឡើងកាលពីវេលាម៉ោង៣និង១០ នាទីយប់ទៀបភ្លឺឈានចូលថ្ងៃទី៣១ ខែកក្តដាឆ្នាំ ២០២០ នៅចំណុចច្រ្ចូលអាគារអូឡាំព្យា ក្នុងសង្កាត់វាលវង់ ខណ្ឌ៧មករារាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តតូយ៉ូតាព្រួសមួយគ្រឿងពណ៌សពាក់ស្លាកលេខភ្នំពេញ2BB-5739ធ្វើដំណើរតាមបណ្ដោយផ្លូវ១៦៩ ទិសដៅពីជើងទៅត្បូងលុះមកដល់ផ្លូវ បំបែកជាប្រាំ រថយន្តបានទៅត្រង់បុកខឿនសួនរួចហោះរំលងសួនជាច្រើនម៉ែត្រទៅបុកទូរATMនៅចំណុចមុខច្រកចូលអាគារអូឡាំព្យាបីទូរជាប់គ្នាបណ្តាលឲ្យមួយទូរបែកបាក់ខ្ទេចខ្ទីខូចខាតស្ទើទាំងស្រុង ចំណែករថយន្តបង្កខូចខាតផ្នែកខាងមុខយ៉ាងដំណំ និងបង្កឲ្យមានការភ្ញាក់ផ្អើលដល់សន្តិសុខដែរយាមនៅកន្លែងកើតហេតុបាននសំគ្នាធ្វើការឃាត់ខ្លួនតៃកុងរថយន្តទុកប្រគល់ជូនសមត្ថកិច្ច។
បន្ទាប់មកសមត្ថកិច្ចបាននាំខ្លួនម្ចាស់តថយន្តបង្កទៅទៅប៉ុស្តិ៍នគរបាលរដ្ឋបាលវាលវង់ទុកប្រគល់ជូនសមត្ថកិច្ចជំនាញ។
ក្រោយកើតហេតុសមត្ថកិច្ចមូលដ្ឋាននិងជំនាញខណ្ឌបានទំនាក់ទំនងទៅជំនាញចរាចរណ៍ផ្លូវគោកស្នងការដ្ឋាននគបាលរាជធានីភ្នំពេញមកធ្វើការវាស់វែងយករថយន្តយកទៅរក្សាទុកដើម្បីដោះស្រាយគ្នាតាមផ្លូវច្បាប់៕
