ខេត្តកណ្តាល៖ម៉ូតូមួយគ្រឿងបើកឡើងវ៉ារថយន្តជាអកុសលទៅប៉ះនឹងដៃម៉ូតូម៉ាក់MSXបណ្ដាលឱ្យជនរងគ្រោះខ្ទៀតចូលក្រោមរថយន្តកិនស្លាប់នៅនឹងកន្លែងភ្លាមៗនិងរងរបួសធ្ងន់ម្នាក់ហេតុការណ៍ នៅថ្ងៃសុក្រ១១កើត ខែស្រាពណ៌ឆ្នាំជូតទោសក័ ព.ស ២៥៦៤ត្រូវនិងថ្ងៃទី៣១ខែកក្កដាឆ្នាំ២០២០នៅវេលាម៉ោង១៤និង ០៥នាទី នៅចំនុចកើតហេតុលើផ្លូវជាតិលេខ ២ ក្នុងចន្លោះគីឡូមែត្រលេខ ៣០-៣១ស្ថិតក្នុងភូមិបឹងខ្យាងឃុំ បឹងខ្យាង ស្រុក កណ្តាលស្ទឹងខេត្តកណ្តាល។
បើតាមប្រភពអោយដឹងពីប្រជាពលរដ្ឋថាមុនកើតហេតុមានម៉ូតូ១គ្រឿងម៉ាកសង់សេ១២៥ ពណ៌ខ្មៅ ពាក់ផ្លាលេខ1IA-7152 បើកបរដោយឈ្មោះយ៉ាន់ សុភី អាយុ៣៣ឆ្នាំមានទីលំនៅភូមិស្វាយខម ឃុំដូង ស្រុកបាទី ខេត្តតាកែវ បើកបរក្នុងទិសដៅពីត្បូងមកជើង តាកែវ-ភ្នំពេញ ពេលមកដល់ចំណុចកើតហេតុភូមិឃុំខាងលើ បានជិះជែងនិងរថយន្តដឹកដែក១គ្រឿង ម៉ាកហ៊ីយ៉ាន់ដាយប្រភេទសណ្ដោងពណ៍ខៀវ ពាក់ស្លាកលេខ ព្រះសីហនុ 3A-7910ហើយបើកវ៉ាជិតផុតក្បាលរថយន្ត ជាអកុសលក៏ប៉ះនិងដៃម៉ូតូ១គ្រឿងទៀត ម៉ាកហុងដាMSX125 ពណ៌ខ្មៅ ពាក់ស្លាកលេខភ្នំពេញ1FI-7776 បើកបរដោយឈ្មោះ មន្នី រតនៈភេទប្រុសអាយុ១៩ឆ្នាំ មានទីលំនៅសង្កាត់បឹងសាឡាងខ័ណ្ឌទួលគោកក្រុងភ្នំពេញ បណ្តាលរងរបួសធ្ងន់បើកបរក្នុងទិសដៅបញ្ជ្រាស់ទិសគ្នា ពីជើងមកត្បូង ភ្នំពេញ-តាកែវ នារីរងគ្រោះក៏បានដួលខ្ទាតចូលកង់រថយន្តផ្នែកខាងឆ្វេងបណ្ដាលអោយកិននារីរងគ្រោះស្លាប់ភ្លាមៗនៅកន្លែងកើតហេតុចំណែកអ្នកបើកបររថយន្តរត់គេចខ្លួនបាត់។
បើតាមការសន្និដ្ឋានរបស់សមត្ថកិច្ចថាករណីគ្រោះថ្នាក់ចរាចរណ៍ខាងលើនេះបណ្ដាលមកពីអ្នកបើកបរម៉ូតូC 125 បើកបរឡើងជែង និងរថយន្ត ប៉ះនឹងដៃម៉ូតូMSX មួយ គ្រឿងទៀត ដែលបើកបរក្នុងទិសដៅបញ្ច្រាសទិសគ្នា បណ្ដាលឱ្យម៉ូតូសង់សេ 125 ដួលខ្ទាតចូលកង់ក្រោយនៃរថយន្ត ផ្នែកខាងឆ្វេង ស្លាប់ភ្លាម តែម្ដងចំពោះវត្ថុតាងរថយន្តនិងម៉ូតូទាំងពីរគ្រឿងកម្លាំងជំនាញបានយកមករក្សាទុកនៅអធិការដ្ឋានជាបណ្ដោះអាសន្ន។
សាកសពជនរងគ្រោះ ត្រូវបានប្រគល់ជូនបងប្អូនសាច់ញាតិយកទៅធ្វើបុណ្យតាមប្រពៃណី។
ចំពោះអ្នកបើកបរម៉ូតូ MSX ត្រូវបានប្រជាពលរដ្ឋឃាត់និងប្រគល់ឱ្យសមត្ថកិច្ច និងបានយកមកសួរនាំនៅអធិការដ្ឋាន ដោយឃើញស្ថានភាព អ្នកបើកបរម៉ូតូមានសភាពធ្ងន់ធ្ងរ សមត្ថកិច្ចបាន ឱ្យក្រុមគ្រួសារសាច់ញាតិយកទៅព្យាបាលនៅ មន្ទីរពេទ្យបង្អែកស្រុក។ដោយ៖ចាន់ពុធ
