ខេត្តបាត់ដំបង៖ ដោយមានការចង្អុលបង្ហាញពីលោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងក្រោមការណែនាំរបស់ឧត្តមសេនីយ៍ត្រី កុយ ហៀង ស្នងការរងផែនការងារគ្រឿងញៀននៃស្នងការដ្ឋាន នគរបាលក្រុងបាត់ដំបងកាលពីថ្ងៃសុក្រ១០កើតខែ ស្រាពណ៌ឆ្នាំជូតទោស័ក័ក ព.ស.២៥៦៤ ត្រូវនឹងថ្ងៃទី៣១ខែ កក្តដាឆ្នាំ២០២០ វេលាម៉ោង ០០និង ២៦នាទីរំលងអទ្រាតនៅចំណុចក្រុមទី៧ភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង។
ប្រភពព័ត៌មានបានប្រាប់ឲ្យដឹងថា លោកវរសេនីយ៍ឯក ឆាង វណ្ណឆៃ ជាអធិការនគរបាលក្រុងបាត់ដំបង កម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង សហការជាមួយកម្លាំងអន្តរាគម៍ បង្កាបង្រ្កាប នៃស្នងការដ្ឋាននគរបាលខេត្តបាត់ដំបង បានចុះល្បាតក្នុងភូមិសាស្ត្រ បង្ក្រាបបានជនសង្ស័យចំនួន ០២នាក់រួមមាន៖
១.ឈ្មោះ រុំ ប៊ុនរិទ្ធ ហៅ រាក់ ឬ ញ៉ាញ់ភេទប្រុស អាយុ ៣៥ឆ្នាំ មានទីលំនៅ ភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។
ស្នាក់បណ្តោះអាសន្ន ភូមិដំណាក់ហ្លួង សង្គាត់វត្តគរ ក្រុងបាត់ដំបង ២. ឈ្មោះ ស៊ូ តាំ ភេទប្រុសអាយុ ៦០ឆ្នាំ មានទីលំនៅភូមិ វត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។
វត្ថុតាងចាប់យកបានរួមមាន៖ ថ្នាំញៀនប្រភេទមេតំហ្វេតាមីន ម៉ាទឹកកកICE ចំនួន២៨ ថង់
ទូរស័ព្ទដៃចំនួន០៣គ្រឿង.ម៉ូតូ០១គ្រឿង ចាស់ ម៉ាកហុងដា ធូដេ ពណ៌ស ពាក់ស្លាកលេខ ភ្នំពេញ 1DC 0385។
បច្ចុប្បន្នវត្ថុតាងនិងសង្ស័យបានបញ្ជូទៅកាន់ការិយាល័យជំនាញដេីម្បីចាត់ការបន្តតាមនីតិវិធីច្បាប់៕
