ខេត្តសៀមរាប៖ មានបុរសម្នាក់បានស្លាប់នៅកន្លែងកើតហេតុដោយសារក្រឡាប់គោយន្ត បង្កអោយមានការភ្ញាក់ផ្អើលយ៉ាងខ្លាំង ហេតុការណ៍បានកើតឡើងនៅវេលាម៉ោង០៧និង១០នាទីយប់ ថ្ងៃទី០២ ខែសីហាឆ្នាំ២០២០ នៅចំណុចភូមិដូនអែម ឃុំគោកដូង ស្រុកអង្គរជុំ។
សមត្ថកិច្ចបានឲ្យដឹងថាករណីគ្រោះថ្នាក់ចរាចរណ៍នេះគឺក្រឡាប់គោយន្តឆ្នៃមួយគ្រឿងបណ្តាលឲ្យ ស្លាប់ម្នាក់ ជនរងគ្រោះឈ្មោះចិន ជឿង អាយុ៤២ឆ្នាំ រស់នៅភូមិ ករលំ ឃុំតាសោម ស្រុកអង្គរជុំ។ បើតាមសមត្ថកិច្ចមូលហេតុបណ្ដាលមកពីជនរងគ្រោះស្រវឹងស្រា។
ក្រោយកើតហេតុសមត្ថកិច្ចសង្កាត់ស្លក្រាមបានចុះពិនិត្យរួចហើយធ្វើកំណត់ហេតុប្រគល់សាកសពឲ្យសាច់ញាតិយកទៅធ្វើបុណ្យតាមប្រពៃណី៕
