ខេត្តស្វាយរៀង៖រសៀលថ្ងៃអាទិត្យ ១៣កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០២ ខែសីហាឆ្នាំ២០២០ ដោយអនុវត្តតាមការណែនាំ និងចង្អុលបង្ហាញរបស់ឯកឧត្តមនាយឧត្តមសេនីយ៍ មឹុង សំផន រដ្ឋលេខាធិការក្រសួងការពារជាតិ ជាប្រធានក្រុមការងាររាជរដ្ឋាភិបាលចុះជួយស្រុកចន្ទ្រា និងក្រុងបាវិត លោ ថន ថាវុទ្ធា អភិបាល នៃគណ:អភិបាលស្រុកចន្ទ្រា បានដឹកនាំក្រុមការងារស្រុក សហកាជាមួយលោកមេឃុំក្រុមប្រឹក្សាឃុំលោកមេភូមិចុះពិនិត្យការជួសជុលផ្លូវលំក្រាលថ្មបំបែក ០១ខ្សែប្រវែង២៨៣១ម៉ែត្រ ស្ថិតនៅភូមិចេក ឃុំសំរោង ស្រុកចន្ទ្រាខេត្តស្វាយរៀង ដែលប្រើប្រាស់ថវិកាមូលនិធិឃុំសំរោង ឆ្នាំ២០២០ ។
ក្នុងពេល ចុះពិនិត្យការជួសជុលផ្លូវ លោក ថន ថាវុទ្ធា អភិបាលស្រុកបានសំណូមពរឲ្យបងប្អូនប្រជាពលរដ្ឋ និងបានណែនាំអោយប្រជាពលរដ្ឋដែលរស់នៅអមសងខាងផ្លូវត្រូវធ្វើការដាក់លូបង្ហូរទឹកតាមមុខផ្ទះរៀងៗខ្លួន រួចហើយធ្វើការដាក់រីហ្គារអោយបានត្រឹមត្រូវក្នុងចន្លោះ២០ម៉ែត្រ១។
ឆ្លៀតក្នុងឱកាសនោះដែរ លោក ថន ថាវុទ្ធា អភិបាលស្រុកចន្ទ្រា ក៏បានសំណុំពរឱ្យប្រជាពលរដ្ឋគ្រប់រូប ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការ ឆ្លងរីករាលដាលនៃជំងឺកូវីដ១៩ នៃរលកទី២ ដោយគោរព និងអនុវត្តឱ្យ បានខ្ជាប់ខ្ជួន នូវគោលការណ៍ រក្សាគម្លាតសង្គម និងវិធានការនានា តាមការនែនាំរបស់ក្រសួងសុខាភិបាល និងសូមឱ្យប្រជាពលរដ្ឋ ទាំងអស់គ្នា ត្រូវបង្កើនការផលិតផ្នែកកសិកម្ម តាមរយៈការដាំដុះ ការ ចិញ្ចឹមសត្វ ជាដើម ។
ចំណែកឯអាជ្ញាធរភូមិឃុំត្រូវតែពង្រឹងឱ្យមានប្រសិទ្ធិភាព ជាពិសេសសូមចូលរួមអប់រំបងប្អូនប្រជាពលរដ្ឋដែលលួចធ្វេីចំណាកទៅប្រទេសវៀតណាម សូមឈប់បន្តលួចចេញទៅបន្តទៀត ដើម្បីការពារនិងរក្សាសុវត្ថិភាពជូនគាត់៕
