ខេត្តតាកែវ៖ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ នៅរសៀលថ្ងៃច័ន្ទ ទី០៣ ខែសីហា ឆ្នាំ២០២០ ឯកឧត្តម ចុង ផែត អនុរដ្ឋលេខាធិការក្រសួអភិវឌ្ឍន៍ជនបទ លោក ហាជីមីកសៃតុ នាយកអង្គការសហព័ន្ធសន្តិភាពសកលកម្ពុជា បានអញ្ជើញជាអធិបតីភាពបិទសន្និសីទអ្នកដឹកនាំប្រចាំខេត្តតាកែវ ដោយមានការអញ្ជើញចូលរួមដោយ លោក លោកស្រី អភិបាល អភិបាលរង ក្រុងស្រុក ទាំង ១០ ដែលពិធីនេះបានរៀបចំធ្វើឡើងនៅសាលប្រជុំសាលាខេត្តតាកែវ។
មានមតិសំណេះសំណាលនាឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានថ្លែងការកោតសរសើរចំពោះ ចំពោះវត្តមាន លោក លោកស្រី ជាថ្នាក់ដឹកនាំតាមបណ្ដាក្រុងស្រុក នៃខេត្តតាកែវ ដែលបានចំណាយពេលវេលាដ៏មានតម្លៃចូលរួម ក្នុងសិក្ខាសាលានាឱកាសនេះ។
ឯកឧត្តមអភិបាលខេត្ត ក៏បានបញ្ជាក់ថា សិក្ខាសាលានេះពិតជាមានសារៈសំខាន់ណាស់ សម្រាប់ការចូលរួមអភិវឌ្ឍន៍ សីលធម៌ គ្រួសារ និងសង្គមប៉ុណ្ណោះទេ ថែមទាំងបានចូលរួមចំណែកក្នុងការផ្សាភ្ជាប់ បណ្ដាញទំនាក់ទំនងឲ្យកាន់តែស្និទ្ធស្នាលថែមទៀត។
ក៏ដូចជាចូលរួមលើកស្ទួយមនសិការស្នេហា ការពារសន្តិភាព សីលថម៌ កាយសម្បទា សុខភាព ស្មារតីទទួលខុសត្រូវ វិជ្ជាជីវៈ ដោយគ្មានការរើសអើងខាងយេនឌ័រ ស្របតាម យុទ្ធសាស្រ្តចតុកោណ និងផែនការយុទ្ធសាស្រ្តនារីរតនៈ របស់រាជរដ្ឋាភិបាលកម្ពុជា ក្នុងការអភិវឌ្ឍន៍ធនធានមនុស្សប្រកបដោយគុណភាព សមត្ថភាព និងគុណធម៌ ដែលជាកត្តាគន្លឹះសម្រាប់ទ្រទ្រង់កំណើនសេដ្ឋកិច្ច និងការប្រកួតប្រជែង របស់ប្រទេសនៅក្នុងតំបន់ ទាំងសម្រាប់អនាគត ស្របតាម ចក្ខុវិស័យដ៏វែងឆ្ងាយរបស់ រាជរដ្ឋាភិបាលកម្ពុជា ក្រោមការដឹកនាំប្រកបដោយ កត្តិបណ្ឌិតសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា៕
