ខេត្តស្វាយរៀង៖នាព្រឹកថ្ងៃអង្គារ ១រោច ខែស្រាពណ៍ ឆ្នាំជូត ទោស័កព.ស.២៥៦៤ ត្រូវនឹងថ្ងៃទី៥ ខែសីហា ឆ្នាំ២០២០ឯកឧត្តម តូច ប៉ូលីវ៉ា អភិបាលរងខេត្តនិងជាប្រធានគណៈកម្មាធិការប្រយុទ្ធនឹងជំងឺអេដស៍ខេត្ត តំណាងឯកឧត្ដមអភិបាលខេត្ត បានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលគ្រូបង្គោលស្តីពីបរិយាកាសគាំទ្រច្បាប់ គោលនយោបាយ និង ភារកិច្ចក្នុងការគាំទ្រការឆ្លើយតបចំពោះ មេរោគអេដស៍និងជំងឺអេដស៍នៅថ្នាក់ក្រោមជាតិ ក្រោមអធិបតីភាព ឯកឧត្តម ឈឹម ឃិនដារ៉េត អគ្គលេខាធិការ អាជ្ញាធរជាតិប្រយុទ្ធនឹងជំងឺអេដស៍ នៅសាលប្រជុំ សណ្ឋាគារទន្លេវ៉ៃគោ ខេត្តស្វាយរៀង។
វគ្គបណ្តុះបណ្តាលនេះមានការចូលរួមពីលោក លោកស្រី ជាគ្រូសម្របសម្រួលវគ្គ មកពីអាជ្ញាធរជាតិប្រយុទ្ធនឹងជំងឺអេដស៍ លោក លោកស្រីមកពីស្នងការដ្ឋាននគរបាលខេត្ត លោក លោកស្រី ប្រធានការិយាល័យសុខាភិបាល មន្រ្តីសុខាភិបាលផ្តល់សេវា និងអង្គការក្រៅរដ្ឋាភិបាល ជាច្រើននាក់ទៀត៕
