ភ្នំពេញ៖នៅថ្ងៃទី១០ ខែសីហា ឆ្នាំ២០២០ លោក មៀច សំរួល ហៅជឺរី ស្ថាបនិកខេអេសអាយ និងជាថ្នាក់ដឹកនាំក្រុមប្រឹក្សាភិបាល ស្ថាបនិក ស៊ីអ៉ីអូ ខ្មែរក្លឹប បានដឹកនាំក្រុមប្រតិភូសមាជិកស្ថាបនិកក្លឹប ស៊ីអ៉ីអូខ្មែរ ចូលសម្តែងការគួរសម ជាមួយ ឯកឧត្តម ដួង តារា ជំនួយការផ្ទាល់សម្តេច ហ៊ុន សែន នាយករដ្ឋមន្តី្រនៃព្រះរាជាណាចក្រកម្ពុជា នៅវិមានសន្តិភាព ទីស្តីការគណ:រដ្ឋមន្ត្រី ។
ការសំដែងការគួសម និងចងចំណងមិត្តភាព ក្នុងកិច្ចការងារជួយសង្គមជាតិ ឯកឧត្តម បណ្ឌិត សំ ហេង ឧត្តមទីប្រឹក្សាស៊ីអ៉ីអូខ្មែរក្លឹប បានបង្ហាញនៅ ទស្សនះវិស័យ បេសកម្ម និងគោលបំណង ដែលសហគ្រិនវ័យក្មេងទាំង៩រូប មកពីស្ថាប័នផ្សេងៗគ្នា បានរួមគ្នាបង្កើតក្លឹបនេះឡើងក្នុងចេតនាដើម្បីជួយពង្រឹង និងពង្រីក សមត្ថភាព ក្នុងនាមជាសហគ្រិន និងម្ចាស់អាជីវកម្មទាំងអស់ក្នុងស្រុក និងពង្រីកសមត្ថភាពក្នុងការប្រកួតប្រជែងទីផ្សារអន្តរជាតិ និងភាពល្បីល្បាញអ្នកជំនួញខ្មែរក្នុងឆាកអន្តជាតិ។
ក្នុងថ្ងៃជំនួបជាមួយក្រុមប្រឹក្សាភិបាល ប្រធានស្ថាបនិកក្លឹប ស៊ីអ៉ីអូខ្មែរ ឯក ឧត្តម ដួង តារា ជំនួយការផ្ទាល់សម្តេតេជោ បានមានប្រសាសន៍ និងកោសរសើរដល់ថ្នាក់ដឹកនាំស្ថាបនិក ស៊ីអ៉ីអូខ្មែរទាំងអស់ ដែលមានទឹកចិត្ត និងឆន្ទះក្នុងការផ្តួចផ្តើមដើម្បីចូលរួមការងារក្នុងសង្គមជាតិ និងបានចូលរួមជួយ និងដោះស្រាយរាល់ទុក្ខលំបាកសហគ្រិនជាច្រើនដែលមាននិងកំពុងប្រឈមនិងបញ្ហានានា ជាពិសេសបានចូលរួមចំណែកយ៉ាងធំធេង និងលើកតម្កើងកិត្តិយសខ្មែរ លើឆាកអន្តរជាតិ ជាមួយរាជរដ្ឋាភិបាលកម្ពុជា ដែលជ្រកក្រោមម្លប់សន្តិភាព របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ចុងបញ្ចប់នៃជំនួបសម្តែងការគួរសមនេះ ថ្នាក់ដឹកនាំក្រុមប្រឹក្សាភិបាលស្ថាបនិក បានសំដែងថ្លែងអំណរគុណ និងជូនពរ ឯកឧត្តម ដួង តារា មានខ្លឹមសារដូច ខាងក្រោមនេះ÷ យើងខ្ញុំ ក៏ដូចជាពលរដ្ឋខ្មែរទូទាំងប្រទេសសូមគោរពដឹងគុណ ចំពោះគំរូវីរៈភាពលះបង់គ្រប់យ៉ាងរបស់ សម្តេចតេជោ ហ៊ុន សែន ដើម្បីកម្ពុជា រួមជាមួយមន្រ្តីគ្រប់ជាន់ថ្នាក់ ជាពិសេសមន្រ្តីដ៏ល្អ ឯកឧត្តម ដួង តារា ជំនួយការផ្ទាល់សម្ដេចតេជោ ដែលបានផ្ដល់កិត្តិយសដល់យើងខ្ញុំក្រុមប្រឹក្សាភិបាល និងសមាជិកប្រធាន Founder BODទាំងអស់ នៃ CEO Khmer Club សូមថ្លែងអំណរអរគុណជ្រាលជ្រៅដល់ ឯកឧត្តម ដួង តារា បានផ្តល់នូវឱកាសដល់យើងខ្ញុំបានចូលជួបសំដែងការគួសមយ៉ាងកក់ក្តៅនៅវិមានសន្តិភាព ទីស្ដីគណៈរដ្ឋមន្ត្រី ព្រមទាំងបានផ្តល់នូវការពិភាក្សាក្នុងកិច្ចការដ៏ប្រពៃនៃបេសកម្មជាតិយើង និងបំណងដ៏ប្រសើររបស់យើង ក្នុងការលើកកំពស់ការអប់រំដល់អ្នកជំនួញក្មេងៗជំនាន់ក្រោយ អោយមានការអភិវឌ្បន៏ជំនួញក្នុងស្រុក និង អន្តរជាតិ ការសាមគ្គីសហការ ការកសាងនូវគំរោងវិនិយោគនានាអោយលូតលាស់ដ៏ប្រពៃថ្លៃថ្លា សំដៅការលូតលាស់នៃសេដ្ឋកិច្ចជាតិយើងស្ថិតក្រោមនយោបាយគាំពារដល់ជាតិសាសន៏ខ្មែរយើងពីនយោបាយឈ្នះ-ឈ្នះ (Win Win policy) នៃមហារដ្ឋបុរសជាតិដ៏ឆ្នើមរបស់យើងគឺសម្តេច អគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាយើង។
យើងខ្ញុំសូមអរគុណនិងសូមប្រសិទ្ធិពរជ័យជោគជ័យ វិបុលសុខដ៏ប្រសើរ ដល់ឯកឧត្តម ដួង តារានិង សហការី ក្នុងបេសកម្មជាតិ សាសនា ព្រះមហាក្សត្រ និង មាតុភូមិដ៏ឧត្តមថ្លៃថ្លាជាទីស្រលាញ់របស់យើងគ្រប់គ្នា៕
