ខេត្តពង់ធំ៖ពលរដ្ឋរិះគន់យ៉ាងចាស់ដៃទៅលេីអាជ្ញាធរនិងសមត្ថកិច្ចស្រុកសណ្តាន់ ខេត្តកំពង់ធំ មិនហ៊ានបង្ក្រាបទីតាំងល្បែងជល់មាន់ បៀរ និងអាប៉ោង មាន២ទីតាំងដែលគេស្គាល់ថាម្ចាស់ទីតាំងទី១.ឈ្មោះលោកជុំ សាន ហៅឈុត ពិរាជនឹងទី២.តាញ៉េ(មិនស្គាល់ត្រកូល)ដែលបានកំពុងបេីកលេងយ៉ាងអាណាធិបតេយ្យ។
ទីតាំងល្បែងជល់មាន់ បៀរ និងអាប៉ោងទាំង២ទីតាំងនេះស្ថិតនៅស្ថិតនៅចំណុចផ្លូវចូលព្រះអាទិត្យ ភូមិ៩៩ ឃុំមានរិទ្ធ ស្រុកសណ្តាន់ ខេត្តកំពង់ធំ។
ពលរដ្ឋថាទីតាំងល្បែងជល់មាន់ បៀរ និងអាប៉ោងបានបេីកលេងជាយូរខែឆ្នាំណាស់មកហេីយមិនដែលឃេីញមានសមត្ថកិច្ចណាធ្វេីការចុះបង្ក្រាបនោះទេ។
ពលរដ្ឋដាក់ការសង្ស័យថាទំនងជាអាជ្ញាធរនឹងសមត្ថកិច្ចត្រូវរ៉ូវគ្នាជាមួយម្ចាស់ទីតាំងហេីយយ៉ាងមេីលទៅបានជាបេីកលេងបានយ៉ាងរលួនដូច្នេះមិនរំខានដល់សមត្ថកិច្ច។
ហើយបើតាមប្រភពពីអ្នកចូលលេង បានបង្ហើបឲ្យដឹងថា ទីតាំងខាងលើនេះ មានការចាក់ភ្នាល់មាន់ជល់មួយគូរៗ ខ្ទង់ពាន់ដុល្លារឯណោះ ចំណែកចាក់បៀរ និងអាប៉ោងវិញ ក៏មិនតិចដែរ គឺចូលខ្ទង់ពាន់ដូចគ្នា។
ប្រភពពីអ្នកចូលលេងបានបន្ដថា នេះហេីយជាកន្លែងលេងដ៍សុខសាន្ដគ្មានអ្នកណាមករំខានឡេីយដោយម្ចាស់បានរត់ការចប់សប់គ្រប់។
គួរបញ្ជាក់ថា ល្បែងស៊ីសងខុសច្បាប់ ត្រូវបានរាជរដ្ឋាភិបាលកម្ពុជា កំណត់ជាចំណុច ដែលត្រូវប្រយុទ្ធប្រឆាំង និងបង្ក្រាបឲ្យខានតែបាននៅក្នុងគោលនយោបាយភូមិ-ឃុំ មានសុវត្ថិភាព ដែលបានដាក់ចេញដោយក្រសួងមហាផ្ទៃ ដើម្បីឲ្យអាជ្ញាធរមូលដ្ឋានពាក់ព័ន្ធ អនុវត្តឲ្យមានប្រសិទ្ធភាព។
បើយោងតាមមាត្រា ៥នៃច្បាប់ស្តីពី ការបង្ក្រាបល្បែងស៊ីសង បានចែងថា អ្នកបើកកន្លែងលេងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែង និងភ្នាក់ងារស៊ីសង ត្រូវប្រឈមការផ្តន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ។
ប្រជាពលរដ្ឋសម្តែងនូវក្តីបារម្មណ៍ ពីភាពអសន្តិសុខនៅក្នុងភូមិ ត្រង់ថា ទីតាំងល្បែងជល់មាន់ បៀរ និងអាប៉ោង ដែលនៅចំណុចផ្លូវចូលព្រះអាទិត្យ ភូមិ៩៩ ឃុំមានរិទ្ធ ស្រុកសណ្តាន់ ខេត្តកំពង់ធំ បាននឹងកំពុងបើកលេងរាល់ថ្ងៃ ។
មហាជនសូមណូមពរដល់ឯកឧត្ដមសុខ លូ អភិបាលខេត្ដកំពង់ធំនឹងលោកអ៊ុក កុសល ស្នងការខេត្ដកំពង់មេត្ដាមានវិធានការបង្ក្រាបករណីល្បែងជល់មាន់ បៀរ និងអាប៉ោងដែលមានទីតាំងខាងលេីនេះផងទាន ព្រោះថាចោលួចចោប្លន់.ល.កេីតចេញពីល្បែងសុីសងនេះហេីយ។
ជុំវិញករណីល្បែងសុីសងខាងលេីនេះលោកអធិការស្រុកសណ្ដាន់បានប្រាប់អង្គសារព័ត៌មានបំណងពលរដ្ឋ(BPN News)ថាលោកនឹងចុះបង្ក្រាបឥឡូវនេះខាងសមត្ថកិច្ចគេកំពុងធ្វេីការ។
ទោះជាយ៉ាងណាក្ដីពលរដ្ឋរង់ចាំមើលថាតើអាជ្ញាធរនិងសមត្ថកិច្ចហ៊ានបង្រ្កាបសង្វៀនជល់មាន់ដ៏ល្បីឈ្មោះដែរឫទេ?៕
