ខេត្តត្បូងឃ្មុំ៖ ទីតាំងកាសុីណូល្បែងសុីសងប្រជល់មាន់បៀរអាប៉ោងនិងយូគី កំពុងបើកលេងបានយ៉ាងយ៉ាង អនាធិបតេយ្យនៅក្នុងកាស៊ីណូ ពីរកន្លែងគ្មានផ្លាកគ្មានឈ្មោះ ដោយសំអាងមានច្បាប់។
ម្ចាស់កាសុីណូមានឈ្មោះតាលឹមនឹងឈ្មោះតាពេញ ដែលស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ។
សង្វៀនជល់មាន់ទី១.នៅក្រោយសណ្ឋាគាកាសុីណូឃីងរូស្ទ័រ។
នឹងសង្វៀនជល់មាន់ទី២.នៅក្នុងចំការកៅស៊ូចុះពីផ្លូវជាតិលេខ៨អាប្រហែល១០០មែត្រគ្មានផ្លាកគ្មានឈ្មោះនោះឡើយ។
ដោយពលរដ្ឋខ្មែរចូលលេងល្បែងសុីសងខុសច្បាប់ យ៉ាងអនាធិបតេយ្យ ហើយអាជ្ញាធរមានសមត្ថកិច្ច មិនមានវិធានការបង្ក្រាប។
ដែលកំពុងប្រឆាំងបញ្ជាប្រមុខរាជរដ្ឋាភិបាល នឹង ស ជ ណចេញដោយទីស្តីការគណៈរដ្ឋមន្រ្តីអនុញ្ញាតផ្តល់អាជ្ញាប័ណ្ណឲ្យនោះ។
គួររំលឹកថា ស ជ ណ ដែលចេញដោយទីស្តីការគណៈរដ្ឋមន្រ្តីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្តកាសុីណូ រាល់ល្បែងសុីសងគឺដាច់ខាតគ្មានសង្វៀនល្បែងភ្នាល់ជល់មាន់ ឬបក្សីកីឡានោះទេ ម្យ៉ាងទៀតភ្ញៀវខ្មែរ មិនត្រូវបានអនុញ្ញាតឲ្យចូលលេងល្បែងកាសុីណូនោះទេ។
រីឯទីកន្លែងដែលអាចសាងសង់កាសុីណូគឺអាចមានតែតាមច្រកព្រំដែនអន្តរជាតិតែប៉ុណ្ណោះ មិនអនុញ្ញាតឲ្យដាក់ទីតាំងតាមច្រកតំបន់និងច្រករបៀងទេ។
តាមសេចក្តីរាយការណ៍ពីពលរដ្ឋបានឲ្យដឹងថា លោក ជាម ច័ន្ទសោភ័ណ អភិបាលខេត្តត្បូងឃ្មុំ និងលោក បែន រ័ត្ន ស្នងការនគរបាលខេត្តត្បូងឃ្មុំ កំពុងបណ្តោយឲ្យម្ចាស់កាស៊ីណូទាំងពីរកន្លែងនៅភូមិអន្លង់ជ្រៃ ស្រុកពញាក្រែក ធ្វើអ្វីៗតាមអំពើចិត្តផ្ទុយពីគោលការដែលមានចែងក្នុងច្បាប់អនុញ្ញាតឲ្យកាស៊ីណូ។
ដូច្នេះហើយទើបពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ សូមពិនិត្យឡើងវិញចំពោះម្ចាស់កាស៊ីណូពីរកន្លែងនេះផងទាន ដែលកំពុងបើកឲ្យពលរដ្ឋខ្មែរចូលលេងល្បែងសុីសងប្រជល់មាន់ខុសច្បាប់យ៉ាង អនាធិបតេយ្យជារៀងរាល់ថ្ងៃបែបនេះ។
ប្រភពបន្តរបានឲ្យដឹងថា សម្រាប់ការប្រជល់មាន់១គូៗមានដាក់ដើមទន់ចាប់ពី(២ លានរៀល)ទៅដល់(៣០០០ដុល្លារ)ឯណោះឬច្រើនជាងនេះទៅទៀត
សូមបញ្ជាក់ប្រាប់ថាល្បែងសុីសងប្រជល់មាន់បៀអាប៉ោងនិងយូគី បើកលេងជាទ្រង់ទ្រាយធំតែម្តង។
ពលរដ្ឋបាននាំគ្នាព្រួយបារម្ភយ៉ាងខ្លាំង ទៅករណីកាស៊ីណូលេងល្បែងសុីសងខុសច្បាប់ទាំងពីរកន្លែងនេះ។ អាចធ្វើឲ្យកើតនូូវអំពើចោរកម្មនិងបទល្មើសផ្សេងៗកើតឡើងគួរឲ្យភ័យខ្លាចតែម្តង។
ចុះឯណាទៅ គោលនយោបាយភូមិឃុំមានសុវត្ថិភាពទាំង ៩ ចំណុចរបស់អាជ្ញាធរមានសមត្ថកិច្ច ។
ជុំវិញរឿងល្បែងសុីសងក្នុងកាសុីណូខាងលើអង្គភាពសារព័ត៌មានបំណងពលរដ្ឋ(BPN News)មិនអាចសំកាបំភ្លឺពីលោកលោក បែន រ័ត្ន ស្នងការនគរបាលខេត្តត្បូងឃ្មុំបានទេនៅព្រឹកថ្ងៃទី២៤ខែសីហាឆ្នាំ២០២០ព្រោះតេមិនចូល។
ប៉ុន្តែលោក ជាម ច័ន្ទសោភ័ណ អភិបាលខេត្តត្បូងឃ្មុំនៅព្រឹកថ្ងៃទី២៤ខែសីហាឆ្នាំ២០២០អង្គភាពសារព័ត៌មានបំណងពលរដ្ឋ(BPN News)ក៍មិនអាចសុំការបកស្រាយបានដែរ។
ជុំវិញពាក់ព័ន្វរឿងកាសុីណូល្បែងជល់មាន់ខាងលើអង្គភាពសារព័ត៌មានបំណងពលរដ្ឋ(BPN News) រង់ចាំបកស្រាយរឺបំភ្លឺពីខាងអាជ្ញាធរនឹងមន្រ្តីពាក់ពន្វ័រៀងរាល់ម៉ោងធ្វើការ។
ហើយស្របពេលនេះរាជរដ្ឋាភិបាលបម្រាមហាមឃាត់មិនឲ្យមានការជួបជុំ!នៅតាមមូលដ្ឋាននានាដើម្បីទប់ស្កាត់ជំងឺ កូវីដ-១៩ ឲ្យមានប្រសិទ្ធភាពតែផ្ទុយទៅវិញអាជ្ញាធរមានសមត្ថកិច្ចស្រុកពញាក្រែក ខេត្តត្បូងឃ្មុំ ឲ្យកាស៊ីណូទាំងពីរកន្លែងក្នុងភូមិអន្លង់ជ្រៃ ឃុំកក់ បណ្តោយឲ្យពលរដ្ឋខ្មែរចូលលេងល្បែងស៊ីសងប្រជល់មាន់ខុសច្បាប់ជួបជុំគ្នាបានយ៉ាងរលូន៕
