ភ្នំពេញ៖ បុរសម្នាក់បើករថយន្តតាក់ស៊ីឯកជនមួយគ្រឿងដឹកភ្ញៀវបត់ត្រឡប់ក្រោយមិនប្រយ័ត្នត្រូវបានរថយន្តហាយលេនឌ័រមួយគ្រឿងបើកបរដោយបុរសជនជាតិចិនមកពីក្រោយបុកបញ្ឆិតផ្នែកខាងមុខហោះផ្លោងទៅបោកផ្ទប់និងក្បាលព្រួញពុះចែកទ្រូងផ្លូវបណ្តាលឲ្យបាក់អស់ចំនួន២ កង់ឯរថយន្តក្រឡាប់ផ្ងាជើងទ្រមេឃរបួសធ្ងន់ស្រាលពីរនាក់។
ហេតុការនេះកើតឡើងកាលពីវេលាម៉ោង៣និង៣០ នាទីទៀបភ្លឺឈានចូលថ្ងៃទី២៦ ខែសីហាឆ្នាំ ២០២០ស្ថិតនៅចំណុចមុខផ្ទះសំណាក់កៅ ខេន តាមបណ្តោយផ្លូវសហព័ន្ធរុស្ស៊ីក្នុងសង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពពីម្ចាស់រថយន្តហ៊ីយ៉ាន់ដាយ បានប្រាប់ឲ្យដឹងថាមុនកើតហេតុរូបគាត់បើករថយន្តហុីនយ៉ាន់ដាយស្តារិុចរត់តាក់ស៊ីឯកជនមួយគ្រឿងពណ៌សពាក់ស្លាកលេខភ្នំពេញ2AY-7893បានដឹកភ្ញៀវចំនួន ៦ នាក់ ចេញពីរក្បែរកន្លែងកើតហេតុ ដោយធ្វើដំណើរតាមបណ្តោយផ្លូវសហព័ន្ធរុស្សុីទិសដៅពីកើតទៅលិចលុះដល់ចំណុចកើតហេតុខាងលើបានបត់ឆ្វេងដៃឡប់ក្រោយវិញ ខណៈនោះក៏មានរថយន្តហាលេនឌ័រមួយគ្រឿងពណ៌ប្រផេះពាក់ស្លាកលេខភ្នំពេញ2AN-4035បើកបរដោយបុរសជនជាតិចិនម្នាក់រួមដំណើរនឹងបុរសម្នាក់ទៀតដោយធ្វើដំណើរមកពីក្រោយក្នុងល្បឿនលឿនដូចហោះបានជ្រុលទៅបុករថយន្តហ៊ីយ៉ាន់ដាយស្តារិុចបញ្ឆិតផ្នែកខាងមុខខាងឆ្វេងពេញទំហឹងបណ្ដាលឲ្យរថយន្តហាយលេនឌ័រហោះផ្លោងទៅបោកផ្ទប់នឹងក្បាលព្រួញពុះចែកទ្រូងផ្លូវបណ្ដាលឲ្យបាក់អស់ចំនួន២កង់រួចក្រឡាប់ជាច្រើនត្រឡប់អូសទៅមុខជាច្រើនម៉ែត្រក្រឡាប់ផ្ងាជើងឡើងលើនឹងបែកបំណែករថយន្តរាយប៉ាយពេញផ្លូវ និងរងរបួសធ្ងន់ម្នាក់និងស្រាលម្នាក់ត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ។ចំណែករថយន្តហាយលិនឌ័ររងការខូចខាតស្ទើរទាំងស្រុង។រីឯរថយន្តស្តារិចរងការខូចខាតផ្នែកខាងមុខយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទាក់ទងទៅសមត្ថកិច្ចជំនាញចុះមកធ្វើការវាស់វែងយករថយន្តទាំង ពីរគ្រឿងទៅរក្សាទុកនៅការិយាល័យចរាចរផ្លូវគោករាជធានីភ្នំពេញរង់ចាំធ្វើការដោះស្រាយគ្នាទៅតាមផ្លូវច្បាប់៕
