ភ្នំពេញ ៖ ចាប់ពីថ្ងៃទី២៤ ដល២៧ ខែសីហា ឆ្នាំ២០២០នេះ លោក កង វង ចៅសង្កាត់ចោមចៅទី១ បានសហការជាមួយប្រជាពលរដ្ឋជួលគ្រឿងចាក់ (SK) និងទ្បានដឹកដី កាយដាក់ប្រពន្ធ័លូមុខកាត់០,៦០ ប្រវែង១០០ម៉ែត្រ ដើម្បីរំដោះទឹកចេញពីក្រុមទី៧ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
មន្រ្តីសង្កាត់បញ្ជាក់ថា លូក្នុងមួយកង់មានតម្លៃ ២៤$ ដែលបានចំណាយថវិកា២៤០០$ និងចំណាយផ្សេងៗទៀត ៤០០$ ហើយការចំណាយថវិកាសរុប ២៨០០$។
ក្នុងឱកាសនោះដែរ លោកចៅសង្កាត់ក៏បានអំពាវនាវ ដល់បងប្អូនប្រជាពលរដ្ឋ និងអាជីវករលក់ដូរទាំងអស់សូមចូលរួម រក្សា និងទុកដាក់សម្រាមឲ្យបានត្រឹមត្រូវ ដើម្បីបរិយាកាសល្អក្នុងការរស់នៅផង ដើម្បីឲ្យមាន សោភណ័ភាពផង និងដើម្បី ការរស់មានភាពថ្លៃថ្នូរ និងស៊ីវីល័យផងដែរ។
បន្ថែមពីនេះ លោកចៅសង្កាត់ បានណែនាំដល់បងប្អូនប្រជាពលរដ្ឋក្នុងមូលដ្ឋានទាំងអស់ ត្រូវចូលរួមទប់ស្កាត់នូវការរីករាលដាលនៃជំងឺកូវីដ១៩ ដោយការធ្វើអនាម័យ លាងដៃជាមួយសាប៊ូ ឬជែលអោយបានញឹកញាប់ ត្រូវពាក់ម៉ាសនៅពេលចូលកន្លែងដែលមានការប្រមូលផ្ដុំមនុស្សច្រើន និងត្រូវធ្វើតាមការណែនាំរបស់ក្រសួងសុខាភិបាលឲ្យបានជាប់ជាប្រចាំ៕
