ភ្នំពេញ ៖ នៅល្ងាចថ្ងៃសុក្រ ១០កេីត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែសីហា ឆ្នាំ២០២០លោក ថេង សុថុល អភិបាលខណ្ឌចំការមន និងជាប្រធានគណៈបញ្ជាការឯកភាពខណ្ឌ បានដឹកនាំកិច្ចប្រជុំស្ដីពីការដាក់ផែនការត្រួតពិនិត្យ និងពង្រឹងការងារសន្ដិសុខសណ្ដាប់ធ្នាប់ក្នុងមូលដ្ឋានខណ្ឌ និងបាននែនាំអោយមានការយកចិត្តទុកដាក់ខ្ពស់នៅតំបន់ទីក្រុងកោះពេជ្រ ដេីម្បីការពារសុវត្ថិភាពរបស់បងប្អូនប្រជាពលរដ្ឋដែលរស់នៅក្នុងមូលដ្ឋានខណ្ឌ។
ដោយមានការចូលរួមពីលោកនាយករដ្ឋបាលខណ្ឌ, អធិការ-អធិការរងនគរបាលខណ្ឌ, មេបញ្ជាការកងរាជអាវុធហត្ថខណ្ឌ, រដ្ឋបាលសង្កាត់ទន្លេបាសាក់ និងប្រធានសន្ដិសុខនៃទីក្រុងកោះពេជ្រ៕
