ភ្នំពេញ៖ជនសង្ស័យជំនាញឆ្កឹះសោបន្ទប់ជួលលួចទ្រព្យស្បត្តិម្នាក់ត្រូវបានកម្លាំងនគរបាលប៉ុស្តិ៍ចោមចៅទី៣
ធ្វើការឃាត់ខ្លួន ផ្អែកតាមបណ្តឹងរបស់អ្នកភូមិ ព្រោះថាបាត់របស់របរញឹកញាប់ពេក ឆែកពិនិត្យមើលតាមរយៈកាមេរ៉ាសុវត្តិភាព ទើបដឹង ស្គាល់មុខមាត់ពិត ដកហូតបានដែកប្រើសម្រាប់ឆ្កឹះសោរ សម្ភារៈពាក់ព័ន្ធមួយចំនួនទៀត កាលពីវេលាម៉ោង១និង៣០នាទីរសៀល ថ្ងៃទី២៩ ខែសីហា ឆ្នាំ២០២០ នៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។
ជនសង្ស័យឈ្មោះ កែប ប៊ុន្នី ភេទប្រុស អាយុ២៨ឆ្នាំ មុខរបរ កម្មករសំណង់ ស្នាក់នៅផ្ទះជួល ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើត ភូមិសូរ្យសែន ឃុំសូរ្យសែន ស្រុកព្រៃឈរ ខេត្តកំពង់ចាម ។
សមត្ថកិច្ចបានឲ្យដឹងថា ក្រោយពីទទួលពាក្យបណ្តឹងរបស់អ្នកភូមិដោយសារតែបាត់បង់ទ្រព្យសម្បត្តិញឹកញាប់ពេកក៏ឆែកមេីលកាមេរ៉ាសុវត្តិភាពឃេីញមុខមាត់ក៏ធ្វេីការឃាត់ខ្លួនតែម្តងនិងដកហូតដែកឆ្កិះសោរមួយឈុយនិងសំភារះមួយចំនួនទៀត។
បន្ទាប់ពីឃាត់ខ្លួនរួចជនសង្ស័យត្រូវកសាងសំណុំរឿងបញ្ជូន ទៅផ្នែកជំនាញខណ្ឌដើម្បីចាត់ការតាមច្បាប់៕
