ខេត្តបន្ទាយមានជ័យ៖ កម្លាំងការិយាល័យបទល្មើសគ្រឿងញៀន បានសហការជាមួយកម្លាំងមូលដ្ឋានកងរាជអាវុធហត្ថស្រុកព្រះនេត្រព្រះ ដឹកនាំដោយ លោកវរសេនីយ៍ឯក ជា ដារា មេបញ្ជាការរងកងរាជអាវុធហត្ថខេត្តបន្ទាយមានជ័យទទួលការងារគ្រឿងញៀនបានចុះឃាត់ខ្លួនជនសង្ស័យលួចលក់គ្រឿងញៀន
ជាទ្រង់ទ្រាយធំបានម្នាក់ ឈ្មោះគឹមហួត ភេទ ប្រុស អាយុ៣៧ មុខរបរមិនពិតប្រាកដ ទីក ន្លែង កំណើតរស់នៅភូមិសំរោង ឃុំតាពូង ស្រុកបាត់ដំបង ខេត្តបាត់ដំបង
បច្ចុប្បន្នរស់នៅភូមិដីក្រហម ឃុំអន្លង់លាបស្រុកវាលវែង ខេត្ត ពោធិ៍ សាត់ ក្នុងនោះកំលាំងអាវុធហត្ថដកហូតសម្ភារៈនិងភស្តុតាងបានមួយចំនួនមានគ្រឿង ញៀន មេតំហ្វេតាមីនទឹកកកម៉្សៅក្រាមពណ៌សថ្លាចំនួន ២ កញ្ចប់ធំទម្ងន់ស្មើនឹង ២.០៦៤ក្រាម រថយន្ត១គ្រឿងម៉ាកតូយ៉ូតាកូរ៉ូឡាពណ៌ប្រផេះខ្មៅ ពាក់ស្លាកលេខភ្នំពេញ 2E 3600 ទូរស័ព្ទចំនួន ២ គ្រឿង និងរបស់ពាក់ព័ន្ធជាច្រើនទៀត ។
កម្លាំងអាវុធហត្ថឃាត់ខ្លួនជនសង្ស័យបាននៅវេលាម៉ោង ១០ និង៣៥ នាទីថ្ងៃទី ៣ ខែកញ្ញាឆ្នាំ ២០២០ នៅចំណុចភូមិចក្រី ឃុំជប់វ៉ារី ស្រុកប្រនេតព្រះ ខេត្តបន្ទាយមានជ័យ។
តាមការអះអាងរបស់លោកជាតារាបានប្រាប់អ្នកយកព័ត៌មានថា:មុននឹងបង្ក្រាបជនសង្ស័យបាននោះកម្លាំងអាវុធហត្ថបានទទួលព័ត៌មានពីបណ្ដាញភ្នាក់ងារផ្ដល់ព័ត៌មានថានៅចំណុចខាងលើមានជនសង្ស័យកំពុងរកស៊ីជួញដូរគ្រឿងញៀនក្រោយពីទទួលព័ត៌មានហើយកម្លាំងជំនាញការិយាល័យបទល្មើសគ្រឿងញៀនបានចុះធ្វើការស្រាវជ្រាវស៊ើប អង្កេតឈានដល់ឃាត់ខ្លួនបានជនសង្ស័យនៅចំណុចកើតហេតុខាងលើហើយបញ្ជូនមកអាវុធហត្ថខេត្តដើម្បីសួរនាំបន្ត ។
លោកជាដារាបានបញ្ជាក់ឲ្យដឹងបន្តទៀតថា:តាមចម្លើយសារភាពរបស់ជនសង្ស័យបានសារភាពថាគ្រឿងញៀនទាំងអស់នេះរូបគេស៊ីឈ្នួលកាន់ឲ្យគេយកទៅឲ្យអ្នកទិញបន្តចំនួន២ លើកមកហើយហើយថ្ងៃឈ្នួលយកទៅឲ្យគេ២លើកនោះបានប្រាក់ចំនួន១.៥០០ដុល្លា។
ផ្អែកលើចម្លើយសារភាពនិងវត្ថុតាងខាងលើកម្លាំងអាវុធហត្ថបានធ្វើការសន្និដ្ឋានថា:ជនសង្ស័យខាងលើពិតជាបានលួចជួញដូរគ្រឿងញៀនដោយខុសច្បាប់ពិតប្រាកដមែន។
លុះនៅព្រឹក ថ្ងៃទី៤ ខែកញ្ញា ឆ្នាំ២០២០នេះនៅក្នុងទីបញ្ជាការកងរាជអាវុធហត្ថខេត្ត ឯក ឧត្តម អ៊ុំ រាត្រី អភិបាលខេត្តបន្ទាយ មាន ជ័យ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ លោកព្រះរាជអាជ្ញាខេត្តបានចុះមកធ្វើការពិនិត្យគ្រឿង ញៀនហើយបានធ្វើការសម្របសម្រួលបន្ទាប់ម កជនសង្ស័យនិងថ្នាំញៀនអនុវត្តតាមវិធានការផ្លូវច្បាប់តែម្តងផងដែរ៕
