ខេត្ដតាកែវ៖ នៅរសៀលថ្ងៃ សៅរ៍ ៣រោច ខែភទ្របទ ឆ្នាំជូត ទោស័ក ព.ស ២៥៦៤ ត្រូវនិងថ្ងែទី ៥ ខែកញ្ញា ឆ្នាំ ២០២០ នេះ ក្រុមការងារចលនាយុវជនកម្ពុជា១៥៧ សាខាខេត្តតាកែវ ដោយមានការណែនាំពីរលោក កែវ វ៉ាន្នីប្រធានចលនាយុវជនកម្ពុជា១៥៧ សាខាខេត្តតាកែវដឹកនាំដោយលោក អេង ប៉ជាក អនុប្រធានចលនាយុវជនកម្ពុជា១៥៧ សាខាខេត្តតាកែវ បានដឹកនាំចុះបាញ់ថ្នាំកំចាត់សត្វល្អិត សំលាប់មេរោគកូវិដ១៩ និងកំចាត់មេរោគផ្សេងៗ ជាច្រើនប្រភេទទៀត ដោយមានការសហការជាមួយអាជ្ញាធរក្រុងដូនកែវ និងក្រុមហ៊ុនអីហ្ស៉ីភេសខនត្រូល ខណ្ឌមានជ័យ រាជធានីភ្នំពេញ ដែលចុះដឹកនាំបាញ់ដោយផ្ទាល់ ដោយលោក ជា សុវណ្ណមករា ប្រធានក្រុមហ៊ុន អីហ្ស៉ីភេសខនត្រូល ” Easy Pest Control ” និងក្រុមការងារ ។
លោកប្រធានក្រុមហ៊ុន អីហ្ស៉ីភេសខនត្រូល បានឲ្យដឹងថា ការចុះបាញ់ថ្នាំថ្ងៃនេះ គឺជួយកំចាត់សត្វល្អិតចង្រៃជាច្រើន ដូចជាកំចាត់មេរោគឆ្លងកូវិដ១៩ ដើម្បីការពារកុំឲ្យមានការឆ្លងនៅជំងឺផ្សេងៗជូនប្រជាពលរដ្ឋនៅក្នុងទីរួមខេត្តតាកែវ ។
បញ្ជាក់ផងដែរថា ការចុះបាញ់ថ្នាំកំចាត់សត្វល្អិត សំលាប់មេរោគកូវិដ១៩ និងកំចាត់មេរោគផ្សេងៗជាច្រើន នេះ ធ្វើទ្បើងនៅទីតាំងចំនួន២ គឺទី០១ចុះបាញ់នៅទីតាំងក្នុងផ្សារណាត់ និងជុំវិញផ្សារ និងទីតាំងទី០២ នៅក្នុងផ្សារធំតាកែវ ៕
