ភ្នំពេញ ៖ លោក ពេជ្រ វិជ្ជាធរ ចៅក្រមស៊ើបសួរ នៃសាលាដំបូងរាជធានីភ្នំពេញ នៅព្រឹថ្ងៃទី២៣ ខែកញ្ញា ឆ្នាំ២០២០នេះ បានចេញដីកា បង្គាប់ឲ្យឃុំខ្លួនជនត្រូវចោទ ប៉ា សុវណ្ណារិទ្ធ ដាក់ពន្ធនាគារបណ្តោះអាសន្ន ដើម្បីរងចាំជំនុំជម្រះតាមនីតិវិធី។
ការសម្រេចឃុំខ្លួនជនត្រូវចោទរូបនេះ ធ្វើឡើងបន្ទាប់ពីលោក សឿ ឡងឌី ព្រះរាជអាជ្ញារងអមសាលាដំបូងរាជធានីភ្នំពេញ សម្រេចចោទប្រកាន់ជនត្រូវចោទ ឈ្មោះ ប៉ា សុវណ្ណារិទ្ធ ពីបទហិ ង្សា តាមបញ្ញត្តិមាត្រា២១៧ នៃក្រមព្រហ្មទណ្ឌ ។
អធិការនគរបាលខណ្ឌសែនសុខ លោក ហួរ ម៉េងវ៉ាង បានបញ្ជាក់ថា ហេតុការ ណ៍នេះបានកើតឡើងនៅក្នុងបន្ទប់ជួលលេខ៤០១ ជាន់ទី៤ ផ្លូ១៩៧៦ ភូមិពោងពាយ សង្កាត់ភ្នំពេញថ្មី ខណ្ឌសែន សុខ នាវេលាម៉ោង១៖៣០នាទីយប់ រំលងអធ្រាត្រថ្ងៃទី២០ ខែកញ្ញា ឆ្នាំ២០ ២០ ។
ជនសង្ស័យមានឈ្មោះ ប៉ា សុវណ្ណារិទ្ធ មានអាយុ២០ឆ្នាំ ស្នាក់នៅផ្ទះលេខ៥៦៣ ផ្លូវលំ ភូមិព្រៃជីសាក់ សង្កាត់ចោមចៅ១ ខណ្ឌពោសែនជ័យ ។ ចំណែកជនរង គ្រោះ ជាសង្សាឈ្មោះ នួន គឹមឡាង អាយុ២៥ឆ្នាំ ស្នាក់នៅបន្ទប់កើតហេតុខាងលើដូចគ្នា ៕
