ខេត្ដកំពង់ស្ពឺ៖ នៅថ្ងៃចន្ទ១០រោច ខែអស្សុជ ឆ្នាំជូត ទោស័ក ព.ស២៥៦៤ត្រូវនឹងថ្ងៃទី១២ ខែកញ្ញា ឆ្នាំ២០២០នេះតំណាងលោកអភិបាលស្រុក លោក ញ៉េន មុន្នីរតនៈ អភិបាលរងស្រុកគងពិសី រួមជាមួយលោក លោកស្រីក្រុមប្រឹក្សាស្រុក កម្លាំងនគរបាលស្រុក បងប្អូន សសយក អាជ្ញាធរភូមិ ឃុំ ចុះពិនិត្យស្ថានភាពទឹក ហើយបានជម្លៀសប្រជាពលរដ្ឋ ទៅរកទីទួលមានសុវត្ថិភាព និងបាននាំយកអំណោយមួយចំនួនទៅចែកជួនបងប្អូនប្រជាពលរដ្ឋដែលរងគ្រោះដោយជំនន់ទឹកភ្លៀងស្ថិតនៅភូមិព្រៃនុក ឃុំស្នំក្រពើ ស្រុកគងពិសី ខេត្ដកំពង់ស្ពឺ ។ អំណោយដែលក្រុមការងារលោកបាននាំយកទៅចែកជួនរួមមាន៖ អង្ករ១0 បាវ មី ទឹកត្រី ទឹកស៊ីអ៊ីវ ត្រីខកំប៉ុង និងថវិកាមួយចំនួនផងដែរ។
លោកបានលើកឡើងថាដោយមានភ្លៀងធ្លាក់ជាបន្ដបន្ទាប់ទើបបណ្តាលឲ្យមានទឹកជំនន់ជន់លិចភូមិមួយចំនួននៅក្នុងមូលដ្ឋានស្រុកគងពិសី ដូច្នេះយេីងត្រូវតែជម្លៀសប្រជាពលរដ្ឋទៅរកទីទួលដែលមានសុវត្ថិភាពបំផុត ។
លោកក៏បានអំពាវនាវដល់បងប្អូនប្រជាពលរដ្ឋទាំងអស់ដែលរងគ្រោះដោយជំនន់ទឹកភ្លៀង សូមឲ្យបងប្អូនមានការប្រយត្ន័ខ្ពស់នឹងថែរក្សាសុខភាពទាំងអស់គ្នា៕
