យោធភូមិភាគទី៥ ៖ រសៀលថ្ងៃអង្គារ៍១១រោច ខែអស្សុជ ឆ្នាំជូត តោស័ក ព.ស២៥៦៤ត្រូវនឹងថ្ងៃទី១៣ ខែតុលា ឆ្នាំ២០២០ លោកឧត្តមសេនីយ៍ទោ ច័ន្ទ រដ្ឋា មេបញ្ជាការរងយោធភូមិភាគទី៥ ទទួលបន្ទុកព្រំដែន បាននាំយកទឹកដោះគោឆៅចំនួន២,៤០០ប្រអប់ ស្មើនឹង៥០កេស ដែលជាអំណោយរបស់លោក ប្រធានសហគមន៍ ឃោនុមវ៉ាងណាំយឹន ស្រុកវាំងណាំយឹក ខេត្តស្រះកែវ ចែកជូនកងកម្លាំងអន្តរាគមន៍យោធភូមិភាគទី៥ ដើម្បីជាការលើកទឹកចិត្តដែលបានខិតខំប្រឹងប្រែងចុះជួយប្រជាពលរដ្ឋដែលបានរងគ្រោះដោយសារជំនន់ទឹកភ្លៀង ។
លោកឧត្តមសេនីយ៍ទោ ច័ន្ទ រដ្ឋា មេបញ្ជាការរងយោធភូមិភាគទី៥ ទទួលបន្ទុកព្រំដែនបានមានប្រសាសន៍ណែនាំដល់បងប្អូនកងកម្លាំងអន្តរាគមន៍យោធភូមិភាគទី៥ទាំងអស់ត្រូវថែរក្សាការពារសុខភាពរបស់ខ្លួនឲ្យបានល្អដើម្បីបន្តចុះជួយសង្គ្រោះដល់បបងប្អូនប្រជាពលរដ្ឋដែលកំពុងរងគ្រោះដោយសារជំនន់ទឹកភ្លៀងបន្តទៀតនឹងត្រៀមសំភារៈដើម្បីជម្លៀសពួកគាត់ពីកន្លែងដែនគ្មានសុវត្ថិភាពទៅរកទីទួលដែលមានសុវត្ថិភាពឲ្យបានទាន់ពេលវេលាផង។
លោកក៏បានថ្លែងអំណអរគុណយ៉ាងខ្លាំងដល់បងប្អូនកងកម្លាំងអន្តរាគមន៍យោធភូមិភាគទី៥ទាំងអស់ចំពោះខិតខំប្រឹងប្រែងចុះជួយសង្គោះដល់ប្រជាពលរដ្ឋដែលរងគ្រោះដោយសារជំនន់ទឹកភ្លៀងយ៉ាងយកចិត្តទុកដាក់បំផុត ៕
