ភ្នំពេញ៖យោងតាមប្រកាសរបស់ក្រសួងមហាផ្ទៃ ចុះថ្ងៃទី២៣ ខែតុលា ឆ្នាំ២០២០នេះ បានសម្រេចធ្វើការតែងតាំងលោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប ត្រូវតែងតាំងជាស្នងការរងនៃស្នងការដ្ឋាននគរបាលខេត្តសៀមរាប។
ចំណែកលោកវរសេនីយ៍ទោ ដា ចំរើន តែងតាំងជាអធិការនគរបាលក្រុងសៀមរាប ចំណែកជំនួសលោកវរសេនីយ៍ឯក ណុប សារ៉ាក់ ។
ដោយឡែកលោកវរសេនីយ៍ទោ តាំង លីហេង ក៏ត្រូវបានតែងតាំងជាអធិការនគរបាលស្រុកជីក្រែង។
ជាមួយគ្នាប្រកាសក៏បានធ្វើការតម្លើងឋានន្តរស័ក្តិដល់មន្រ្តីនគរបាល នៃស្នងការដ្ឋាននគរបាលខេត្តសៀមរាបចំនួន៤រូបផងដែរ ដោយក្នុងនោះ លោកវរសេនីយ៍ត្រី តូច ឥក្រ្តា និងលោកវរសេនីយ៍ត្រី ចាន់ រដ្ឋា ត្រូវតម្លើងជាវរសេនីយ៍ទោ។
លោកអនុសេនីយ៍ឯក ហាក់ ច័ន្ទដារ៉ា និងលោកអនុសេនីយ៍ឯក ពេជ្រ ចំរើន ត្រូវបានតម្លើងជាវរសេនីយ៍ត្រី៕
