ភ្នំពេញ ៖ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ នឹងអញ្ជេីញជាអធិបតី ក្នុងពិធីកម្ទេចចោលនូវឱសថខុសច្បាប់ចំនួន ៧.៧តោន និងផលិតផលក្លែងក្លាយទូទៅចំនួន ៥៣៣តោន សរុបរួមចំនួន ៥៤០.៧តោន នៅព្រឹកថ្ងៃព្រហស្បតិ៍ ទី០៥ ខែវិច្ឆិកា ឆ្នាំ២០២០ នៅបរិវេណទីលានចាក់សំរាមដង្កោ ស្ថិតនៅសង្កាត់ដង្កោ ខណ្ឌដង្កោ រាជធានីភ្នំពេញ ដែលផលិតផលទាំងអស់នេះ ត្រូវបានកម្លាំងសមត្ថកិច្ចចម្រុះ នៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ធ្វេីការបង្ក្រាប និងរឹបអូសបាននាពេលកន្លងមក។
