ខេត្ដស្វាយរៀង៖នៅរសៀលថ្ងៃព្រហស្បតិ៍ ១២រោច ខែកត្កិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១២ ខែវិច្ឆិកា ឆ្នាំ២០២០
ឯកឧត្ដម តូច ប៉ូលីវ៉ា អភិបាលរងខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញចូលរួមជាគណៈអធិបតី និងធ្វើជាសក្ខីភាពក្នុងពិធីចុះហត្ថលេខាលើកិច្ចសហប្រតិបត្តិការយុទ្ធសាស្រ្តរវាងតំបន់សេដ្ឋកិច្ចពិសេស ឈីលូ និងសមាគមសហគ្រាសដើម្បីគាំពារបរិស្ថាននៅកម្ពុជា(EPIAC) រួមគ្នាកសាងសួនឧស្សាហកម្មចម្រុះដែលមានការគាំពាបរិស្ថានដំបូងនៅកម្ពុជា ក្រោមអធិបតីភាពឯកឧត្ដម ចាយ សាមិត្ត រដ្ឋលេខាធិការ និងឯកឧត្ដម ហេង ណារ៉េត អនុរដ្ឋលេខាធិការ ក្រសួងបរិស្ថាន។
ពិធីនេះដែរក៏មានការប្រគល់ទទួលម៉ាស៊ីនត្រួតពិនិត្យគុណភាពទឹក ចំនួន២គ្រឿង ជូនដល់មន្ទីរបរិស្ថានខេត្តស្វាយរៀងផងដែរ។
ដោយមានការចូលរួមពីលោកប្រធានសមាគមសហគ្រាសដើម្បីគាំពារបរិស្ថាននៅកម្ពុជា(EPIAC) លោកអគ្គាធិការរងGMAC លោកប្រធានតំបន់សេដ្ឋកិច្ចពិសេសឈីលូ និងសហការី លោកអភិបាល អភិបាលរងក្រុងស្វាយរៀង លោកប្រធានមន្ទីរ និងមន្ត្រីនៃមន្ទីរបរិស្ថានខេត្ត៕
