ខេត្ដស្វាយរៀង៖នាព្រឹកថ្ងៃសុក្រ ១៣រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែវិច្ឆិកា ឆ្នាំ២០២០ លោក តូច ប៉ូលីវ៉ា អនុប្រធាន សសយក ខេត្ត តំណាងលោក ឌី វិជ្ជា ប្រធាន សសយក ខេត្ត បាននាំយកសម្ភារៈ និងថវិកា មកសួរសុខទុក្ខ គ្រួសារ លោក ផៃ ធន សមាជិកអចិន្រ្តៃយ៍ សសយក ខេត្ត ដែលភរិយារបស់លោកទើបតែសម្រាលបានកូនស្រី។
លោកក៏បានពាំនាំនូវការផ្ដាំផ្ញើសួរសុខទុក្ខពីសំណាក់លោក ឌី វិជ្ជា ប្រធានសសយក ខេត្ត ជូនម្ដាយនិងកូន សូមឲ្យមានសុខភាពល្អ និងត្រូវធ្វើតាមការណែនាំរបស់គ្រូពេទ្យអោយបានខ្ជាប់ខ្ជួន អនុវត្តជាប្រចាំនូវការសម្អាតអនាម័យ ហើយចូលរួមអនុវត្តតាមវិធានការណ៍ណែនាំរបស់ក្រសួងសុខាភិបាល ដើម្បីចូលរួមទប់ស្កាត់នូវការរីករាលនៃជំងឺកូវីដ១៩ដែលកើតមាននៅលើពិភពលោក។
សម្ភារៈទាំងនោះរួមមាន ទឹកបរិសុទ្ធ ៥កេស ខោទឹកនោមទារកចំនួន ៤កញ្ចប់ និងថវិកាមួយចំនួន៕
