ខេត្ដកំពង់ចាម ៖ ទីតាំងល្បែងសុីសងអនឡាញជល់មាន់និងឡូតូអនឡាញ នៅក្នុងហាងកាហ្វេរមួយកន្លែង ដែលស្ថិតនៅទល់មុខរោងចក្រទឹកកក ក្នុង ភូមិស្គន់ ឃុំសូទិព្វ ស្រុកជេីងព្រៃ ខេត្ដកំពង់ចាម មិនឆ្ងាយពីអធិការដ្ឋាននគរបាលបាលស្រុកជេីងព្រៃផង បេីកលេងរាល់ថ្ងៃយ៉ាងគគ្រឹកគគ្រេង បំពងនូវសម្លេងហ៊ោរកញ្ច្រៀវយ៉ាងអាណាធិបតេយ្យ គ្មានឃើញសមត្ថកិច្ចណា ចុះទៅបង្ក្រាបទេ ។
ស្របពេលកូវីដ១៩កំពុងរាតត្បាតលេីសកលលោក ក្រសួងសុខាភិបាល តែងតែចេញសេចក្តីប្រកាសជាបន្តបន្ទាប់ ពាក់ពន្ធ័ហ្នឹងរក្សាអនាម័យ ការពាក់ម៉ាស់អនាម័យ មិនអនុញ្ញាតិឲ្យមានការជួបជុំគ្នា រហូតឈានដល់ការបិតសាលារៀន ក្លឹបកំសាន្ត(KTV)កម្មវិធីជួបជុំនានា។ល។ នូវមិនទាន់បើកឲ្យដំណើការនៅឡើយ។
តែផ្ទុយទៅវិញទីតាំងល្បែងសុីសងអនឡាញជល់មាន់និងឡូតូអនឡាញ នៅហាងកាហ្វេរមួយកន្លែងទល់មុខរោងចក្រទឹកកនៅភូមិស្គន់ ឃុំសូទិព្វ ស្រុកជេីងព្រៃ បេីកលេងយ៉ាងរំភេីយប្រមូលផ្ដុំមនុស្សយ៉ាងច្រេីនកុះករដោយមិនខ្លាចអ្វីទាំងអស់។
ប្រជាពលរដ្ឋរស់នៅជិតទីតាំងនេះបានខ្សឹបប្រាប់មកអង្គភាពសារព័ត៌មានBPN Newsថាទីតាំងអនឡាញជល់មាន់និងឡូតូអនឡាញមួយនេះបានបេីកលេងជាយួរណាស់មកហេីយមិនដែលឃេីញមានអាជ្ញាធរណាមកធ្វេីការបង្ក្រាបនោះឡេីយពួកគាត់ព្រួយបារម្ហអំពីសុវត្ថិភាពភូមិ-ឃុំដែលពួកគាត់កំពុងរស់នៅ។
ពលរដ្ឋដាក់ការសង្ស័យថាទំនងជាម្ចាស់ទីតាំងត្រូវរ៉ូវគ្នាជាមួយអាជ្ញាធរនិងសមត្ថកិច្ចហេីយយ៉ាងមេីលទៅបានបេីកលេងបានយ៉ាងរលួនបែបនេះ។
ជុំវិញករណីខាងលេីនេះដែរអង្គភាពសារព័ត៌មានBPN Newsយេីងមិនអាចសុំការបំភ្លឺពីលោកប្រាក់ សុគុណអធិការនគរបាលស្រុកជេីងព្រៃបានទេទូរសព្ទ័មិនអាចទំនាក់ទំនងបាន។
ចំពោះលោក អូត ឈាងលី អភិបាលនៃគណះអភិបាលស្រុកជេីងព្រៃបានប្រាប់មកអង្គភាពសារព័ត៌មានBPN Newsយេីងថា ឲ្យតែលោកដឹងនឹងពិតប្រាកដលោកនឹងធ្វេីការចុះបង្ក្រាប។
ជាក់ស្ដែងនៅទីតាំងអនឡាញជល់មាន់និងឡូតូអនឡាញមួយនេះនៅតែដំណេីរការយ៉ាងរលួនដដែល។
សូមបញ្ជាក់ថា នៅរសៀលថ្ងៃទី ៣ ខែ វិច្ឆិកា ឆ្នាំ ២០២០ ឯកឧត្ដមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានមានប្រសាសន៍ ថា បន្ទាប់ពីទទួលបានសេចក្ដីរាយការណ៍អំពីករណី ក្រុមហ៊ុន ស៉ីននីវ ទទួលបានអាជ្ញាប័ណ្ណធ្វើអាជីវកម្មឆ្នោតឡូតូ ហេីយបំប្លែងជាល្បែងស៉ីសងតាមអនឡាញ Keno online រួចមក ឯកឧត្តមនាយឧត្ដមសេនីយ៍ អគ្គស្នងការនគរបាលជាតិ បានបញ្ជាអោយនាយកដ្ឋានជំនាញចុះស្រាវជ្រាវដេីម្បីមានចាត់វិធានការតាមច្បាប់ ដោយមិនលេីកលែងឡេីយ ។
ពលរដ្ឋសំណូមពរដល់ឯកឧត្ដមអ៊ុន ចាន់ដា អភិបាលខេត្ដកំពង់ចាម និងឯកឧត្ដមឧត្ដមសេនីយ៏ទោឯម កុសល ស្នងការខេត្ដកំពង់ចាមមេត្ដាមានវិធានការចាត់មន្ដ្រីក្រោមឱវាទចុះបង្ក្រាបផងទានព្រោះថាចោលួច ប្លន់ឆក់.ល.កេីតចេញពីល្បែងសុីសងនេះហេីយ៕
