ខេត្ដកំពង់ចាម៖នៅព្រឹកថ្ងៃអាទិត្យ ទី១៥ ខែវិច្ឆកា ឆ្នាំ២០២០ លោកវេជ្ជបណ្ឌិត គីមសួរ ភីរុណ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម និងជាប្រធានលេខាធិការដ្ឋាននៃគណៈកម្មការខេត្តប្រយុទ្ឋនឹងជំងឺកូវិត-១៩ បានដឹកនាំក្រុមការងារ រួមជាមួយ អាជ្ញាធរមូលដ្ឋានស្រុកព្រៃឈរ នាំយកអំណោយឧបត្ថម្ភ ជាគ្រឿងឧបភោគបរិភោគ និងសម្ភារៈការពារ វីរុសកូវីដ-១៩ របស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការប្រយុទ្ឋនឹងជំងឺកូវីដ-១៩ ខេត្ត ជូនដល់ប្រជាពលរដ្ឋចំនួន៥ គ្រួសារ ដែលកំពុងចត្តាឡីស័ក១៤ថ្ងៃនៅផ្ទះ ស្ថិតនៅភូមិព្រៃឈរ ស្រុកព្រៃឈរ។
សំភារៈទាំងនោះរួមមាន៖
១-អង្ករ៥០kg
២-មី ២កេះ
៣-ទឹកស៊ីអុី ៦ដប
៤-ត្រីខកំប៉ុង ១២កំប៉ុង
៥-ត្រីងៀត ២kg
៦-ទឹកក្រូច ១កេះ
៧-ម៉ាស់ ១ប្រអប់ស្មេីនឹង៥០ម៉ាស់
៨-ទឹកអាល់កុល ១ដប។
ក្នុងឱកាសនោះផងដែរលោកប្រធានមន្ទីរសុខាភិបាលនៃរដ្ឋបាលខេត្ត បានពាំនាំការផ្តាំផ្ញើរសួរសុខទុកពីសំណាក់ ឯកឧត្តម អ៊ុន ចាន់ដា អភិបាលខេត្ត និងបានអប់រំដល់ពួកគាត់អោយចេះពាក់ម៉ាស់ លាងដៃអោយបានញឹកញាប់ជាមួយអាល់កុល ឬសាប៊ូ ពិសេសត្រូវចូលរួមទប់ស្កាត់ការរីករាលដាលរលកទីពីរ នៃជំងឺកូវីដ-១៩ កុំឲ្យកើតឡើងក្នុងសហគមន៍យើង៕
