ភ្នំពេញ៖ បុរសម្នាក់បើករថយន្តម៉ាកកូរ៉ូឡាមួយគ្រឿងបត់ត្រឡប់ក្រោយបំណងចូលទៅទិញទឹកផឹកមិនប្រយ័ត្នត្រូវបានបុរសម្នាក់ជិះម៉ូតូធុនធំមួយគ្រឿងមកពីក្រោយចាប់ហ្វ្រាំងមិនទាន់ជ្រុលទៅបុកបញ្ឆិតគូថរថយន្តពេញទំហឹងបណ្តាលឲ្យដួលបោកទៅនឹងថ្នល់រងរបួសធ្ងន់។
ហេតុការណ៍នេះកើតឡើងកាលពីវេលាម៉ោង ១០និង ១០ នាទីយប់ថ្ងៃទី១៥ ខែវិច្ឆិកា ឆ្នាំ ១០២០នៅចំណុចលក់គ្រឿងត្រឡោកបែក តាមបណ្តោយផ្លូវ ៥៩៨ កែងនិងផ្លូវរថភ្លើងក្នុងសង្កាត់ទឹកថ្លា ខណ្ឌសែនសុខរាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តម៉ាកកូរ៉ូឡាពណ៌សមួយគ្រឿងពាក់ស្លាកលេខភ្នំពេញ2AO-9327ធ្វើដំណើរទិសដៅពីជើងទៅត្បូងលុះមកដល់ចំណុចកើតហេតុខាងលើបានបត់ឆ្វេងដៃត្រឡប់ក្រោយវិញ ខណៈនោះក៏មានបុរសម្នាក់ជិះម៉ូតូធុនធំមួយគ្រឿងពណ៌ខ្មៅពាក់ស្លាកលេខភ្នំពេញ1HV-7645ធ្វើដំណើរមកពីក្រោយក្នុងល្បឿនចាប់ហ្វ្រាំងមិនទាន់ជ្រុលទៅបុកបញ្ឆិតគូទរថយន្តកូរ៉ូឡាផ្នែកខាងស្រាំពេញទំហឹងបណ្តាលឲ្យដួលបោកទៅថ្នលររងរបួសធ្ងន់។
បន្ទាប់មករថយន្តសង្គ្រោះបន្ទាន់បានមកដឹកជនរងគ្រោះទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូនិងរថយន្តទៅរក្សាទុកនៅអធិការដ្ឋាននគរបាលខណ្ឌសែនសុខរង់ចាំធ្វើការដោះស្រាយគ្នាទៅតាមផ្លូវច្បាប់៕
