ខេត្ដស្វាយរៀង៖ នារសៀលថ្ងៃពុធ ៣កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៨ ខែវិច្ឆិកា ឆ្នាំ២០២០ឯកឧត្ដម តូច ប៉ូលីវ៉ា អភិបាលរងខេត្ត និងជាប្រធានក្រុមការងារPWG-RWSSH តំណាងឯកឧត្ដមអភិបាលខេត្តស្វាយរៀង បានអញ្ជើញចូលរួមជាអធិបតីក្នុងក្នុងកិច្ចប្រជុំថ្នាក់ឃុំ ពិនិត្យវឌ្ឍនភាពការងារលើកកម្ពស់អនាម័យជនបទ
និងធ្វើផែនការបញ្ឈប់បន្ទោបង់ពាសវាលពាសកាល (ODF) នៅសាលាឃុំស្វាយយា ស្រុកស្វាយរៀង ខេត្តស្វាយរៀង។
ដោយមានការចូលរួមពីលោក សំ នីតូ ប្រធានមន្ទីរអភិវឌ្ឍន៍ជនបទខេត្ត លោកអនុប្រធានមន្ទីរអភិវឌ្ឍន៍ជនបទខេត្ត លោកអភិបាលរងស្រុកស្វាយជ្រំ លោកប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ស្រុកស្វាយជ្រំ លោកមេឃុំ លោក លោកស្រីក្រុមប្រឹក្សាឃុំ លោក លោកស្រីមេភូមិ អនុភូមិ និងជនបង្គោលភូមិទាំង១៥ និងមន្រ្តីនៃមន្ទីរអភិវឌ្ឍន៍ជនបទ សរុប ៤២នាក់ ស្រី ៨នាក់។
ក្នុងនោះឯកឧត្ដម ក៏បានសំណូមពរ និងដាក់ចេញនូវគោលការណ៍មួយចំនួនរួមមាន៖
១. សូមមន្ទីរអភិវឌ្ឍន៍ជនបទ និងអង្គការដៃគូ ដែលជាសមាជិកក្រុមការងារ PWG បន្តសហការ គាំទ្រជាថវិការ និងសម្ភារៈ និងដាក់ចេញជាផែនការសកម្មភាពអាទិភាពរយៈពេលវែង មធ្យម និងរយៈពេលខ្លីលើការងារផ្គត់ផ្គង់ទឹក ការសំអាត និងអនាម័យជនបទ ហើយគាំទ្រដល់ស្រុកស្វាយជ្រំ ដើម្បីឲ្យឃុំទាំង១៦ ត្រូវសម្រេចបានODF នៅបំណាច់ឆ្នាំ២០២០ និងស្រុកស្វាយជ្រំ គឺត្រូវសម្រេចODFនៅ ក្នុងឆ្នាំ២០២១ ដើម្បីខេត្តស្វាយរៀងអាចសម្រេចODF ឆ្នាំនៅ២០២២។
២. សូមក្រុមការងារថ្នាក់ស្រុក (DWG) ដែលមានលោកអភិបាលស្រុកជាប្រធាន និងលោកអភិបារងស្រុកជាអនុប្រធាន ពិនិត្យមើលចំណុចសំខាន់ៗ ជាអាទិភាពរបស់រដ្ឋបាលស្រុក ដើម្បីដាក់ចេញនៅក្នុងផែនការសកម្មភាពលើកការងារផ្គត់ផង់ទឹក ការសំអាត និងអនាម័យជនបទ និងខិតខំអនុវត្តដោយយកចិត្តទុកដាក់ឲ្យទទួលបានជោគជ័យ និងមានប្រសិទ្ឋិភាព។
៣. អាជ្ងាធរឃុំស្វាយយា ត្រូវរិះរកគន្លឹះ និងដាក់ចេញនូវផែនការសកម្មភាពជាអាទិភាពលើការងារផ្គត់ផ្គង់ទឹក ការសំអាត និងអនាម័យ ជនបទ យកចិត្តទុកដាក់អនុវត្តឲ្យទទួលបានជោគជ័យ និងមានប្រសិទ្ឋិភាព ដើម្បីប្រជាពលរដ្ឋមានសុខភាព និងឃុំកាន់តែមានការអភិវឌ្ឍន៍ឡើង ៕
