ខេត្ដព្រៃវែង៖ អគ្គិភ័យបានលេបត្របាក់យកសាលាឆាន់អស់១ខ្នង ដែលមានទទឹង១៨ម៉ែត្របណ្ដាល២៤ម៉ែត្រ គិតជាទឹកប្រាក់ប្រមាណជា១០០លានរៀល មូលហេតុមកពីដុតទៀត។
ហេតុការណ៍នេះបានកើតឡើង នៅចំណុចវត្តប្រាសាទ ស្ថិតក្នុងភូមិប្រាសាទ ឃុំប្រាសាទ ស្រុកកំពង់ត្របែក ខេត្តព្រៃវែង កាលពីវេលាម៉ោង៣និង០០នាទីរៀបភ្លឺថ្ងៃទី១៩ខែវិច្ឆិកាឆ្នាំ២០២០។
សេចក្ដីរាយការណ៍បានឱ្យដឹងថា៖ សាលាឆាន់ដែលត្រូវភ្លើងឆេះ មានទទឹង១៨ម៉ែត្រ បណ្ដាល២៤ម៉ែត្រខូចខាតទាំងស្រុង សរុបជាថវិកាប្រហែល100.000.000រៀល(មួយរយលានរៀល)។
មូលហេតុបណ្ដាលមកពីភ្លើងទៀននៅលើសាលាឆាន់ដុត ហើយភ្លេចពន្លត់ជាហេតុធ្វើអោយឆាបឆេះ។
នៅក្នុងពេលដែរលោកអភិបាលស្រុក និងលោកអធិការនគរបាលស្រុកដឹកនាំកម្លាំង ចុះមកផ្ទាល់និងប្រើប្រាស់ឡានទឹក១គ្រឿងបាញ់ទឹកអស់៤ឡាន៕
