ក្រុងប៉ោយប៉ែត ៖ នៅព្រឹក ថ្ងៃព្រហស្បតិ៍ ៤ កើត ខែមិគសិរ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី១៩ ខែវិច្ឆិកា ឆ្នាំ២០២០នេះ លោក គាត ហ៊ុល អភិបាលក្រុងប៉ោយប៉ែត ដឹកនាំក្រុមការងារ មន្ត្រីសាលាក្រុង លោកប្រធាន អនុប្រធាន ការិយាល័យ សាធារណៈកា ដឹកជញ្ជូន និងអនាម័យបរិស្ថាន និងមានការចូលរួមសហការជាមួយក្រុមការងារ សង្កាត់ ផ្សារកណ្ដាល ដឹកនាំដោយលោក ស្រិល អុិន ចៅសង្កាត់ លោកមេភូមិ អនុភូមិ កងកម្លាំងប្រជាការពារ និងលោកជាតំណាងក្រុមហ៊ុន ស៊ិនទ្រីក្រុងប៉ោយប៉ែត បានចុះធ្វើការប្រមូលសំរាមដែលបងប្អូនប្រជាពលរដ្ឋមួយចំនួនយកទៅយ៉ាងអនាធិបតេយ្យនៅតាមបណ្ដោយផ្លូវជាតិលេខ៥ នៅក្នុងចំណុចភូមិផ្សារកណ្ដាល សង្កាត់ផ្សារកណ្ដាលក្រុងប៉ោយប៉ែតខេត្តបន្ទាយមានជ័យ
ដោយ លទ្ធផលក្នុងថ្ងៃនេះក្រុមការងារប្រមូលសំរាមបានជាង៣៥តោន ។
ក្នុងឧកាសនោះដែរ លោក គាត ហ៊ុល អភិបាលក្រុងប៉ោយប៉ែត ក៏សូមផ្ដាំផ្ញើទៅបងប្អូនប្រជាពលរដ្ឋ សុំឲ្យបងប្អូនចូលរួមថែរក្សានៅអនាម័យបរិស្ថានទាំងគ្នា គឺកុំបន្តយកសំរាមរឺកាកសំណល់ផ្សេងៗទៅចោលតាមផ្លូវ សាធារណៈ រឺកន្លែងផ្សេងៗក្នុងមូលដ្ថាន
ទីក្រុងស្អាតវាឋិតនៅលើពួកយើងចូលរួមថែរក្សាកាពារអនាម័យបរិស្ថានឲ្យបានស្អាតទាំងអស់គ្នា៕
