ខេត្ដស្វាយរៀង៖ឯកឧត្ដម តូច ប៉ូលីវ៉ា សមាជិកអចិន្រ្តៃយ៍គណបក្សប្រជាជនកម្ពុជាខេត្តស្វាយរៀង និងជាអនុប្រធានក្រុមការងារគណបក្សចុះមូលដ្ឋានស្រុកស្វាយជ្រំ និងជាអនុប្រធានក្រុមការងារគណបក្សចុះមូលដ្ឋានឃុំគ្រួស បានអញ្ជើញចូលរួមអបអរសាទរ ពិធីបញ្ចូលសមាជិកគណបក្សប្រជាជនកម្ពុជានិងពិធីប្រកាសក្រុមការងារគណបក្សចុះមូលដ្ឋានឃុំគ្រួស។
ដោយមានការអញ្ជើញចូលរួមពី លោក សុទ្ធ គឹមច័ន្ទអនុប្រធានប្រចាំការគណបក្សស្រុក និងជាអនុប្រធានក្រុមការងារគណបក្សចុះមូលដ្ឋានឃុំគ្រួស លោកប្រធានគណៈកម្មាធិការគណបក្សឃុំ លោក លោកស្រីសមាជិក សមាជិកាអចិន្រ្តៃយ៍គណៈកម្មាធិការគណបក្សឃុំ សមាជិកគណៈកម្មាធិការគណបក្សឃុំ សាខាបក្សឃុំ សាខាបក្សភូមិ និងលោក លោកស្រីសមាជិក សមាជិកាគណបក្សឃុំដែលទើបបញ្ចូលថ្មី សរុបអ្នកចូលរួម ៤៤នាក់។
ក្នុងនោះឯកឧត្ដម បានឧបត្ថម្ភខិតប័ណ្ណផ្សព្វផ្សាយគ្រឿងញៀន ខិតប័ណ្ណអំពីរបៀបលាងដៃ ខិតប័ណ្ណផ្សព្វផ្សាយអំពីវិធីបង្ការ ការពារការរាលដាលនៃជំងឺកូវីដ១៩ និងសៀវភៅណែនាំអំពីវិធីការពារទប់ស្កាត់ការរីករាលដាលជំងឺកូវីដ១៩មួយចំនួន ថង់គណបក្សដាក់សម្ភារៈចំនួន ៥០០ថង់ សាប៊ូដុំលាងដៃ ជែលលាងដៃ និងខិតប័ណ្ណអប់រំផ្សព្វផ្សាយផលប៉ះពាល់នៃការប្រើប្រាស់គ្រឿងញៀន និងបានឧបត្ថម្ភអាវភ្លៀងដល់សមាជិកដែលទើបបញ្ចូលថ្មីផងដែរ។
បន្ទាប់ពីចប់កិច្ចប្រជុំក្រុមការងារបានលើកស្លាកគណបក្សប្រជាជនចំនួន ១កន្លែង សរុបជាទឹកប្រាក់អស់ចំនួន ១,០០០,០០០រៀល ថវិកាឯកឧត្ដម តូច ប៉ូលីវ៉ា ៨០០,០០០រៀល និង លោក សុទ្ធ គឹមច័ន្ធ ២០០,០០០រៀល៕
