ខេត្តបន្ទាយមានជ័យ ៖ នៅព្រឹក ថ្ងៃអាទិត្យ ១៤ កើត ខែមិគសិរ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី២៩ ខែវិច្ឆិកា ឆ្នាំ២០២០ នេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត រួមដំណើរ ដោយ លោក នី សឿន អាជីវករ • លោក ភោគ លន ចៅសង្កាត់ប៉ោយប៉ែត • លោក វ៉ា ជឹមណារ៉េត ចៅសង្កាត់រងប៉ោយប៉ែត • លោក ប៊ុន សុវុទ្ធា សមាជិកក្រុមប្រឹក្សាសង្កាត់ • លោក ហ៊ាង សាវុធ អនុភូមិទួលប្រាសាទ បានដឹកនាំក្រុមការងារ កម្លាំងប្រជាការពារ នាំយកគ្រឿងចក្រចំនួន៤គ្រឿង ចុះ ស្ថាបនា ត្រាស់សេ ផ្លូវលំចំនួន ៣ខ្សែ សរុបប្រវែង ជាង២០០០ម៉ែត្រ ស្ថិតក្នុងភូមិទួលប្រាសាទ ផ្ជាប់ទៅព្រំប្រទល់ ភូមិទួលពង្រ ដើម្បីសម្រួល ការធ្វើដំណើរបស់ បងប្អូនប្រជាពលរដ្ឋ ។
ការស្ថាបនាផ្លូវលំដែលមានប្រវែងជាង២០០០ម៉ែត្រ នាព្រឹកនេះ ក្នុងនោះអាជ្ញាធរក្រុងនិងសប្បុរសជន ជាអាជីវករ បាន ចាក់ក្រាលផ្លូវលំជាថ្មមិចចំនួន២០០ម៉ែត្រ និងឈូសឆាយកៀរកិន ត្រាស់សេ គ្រោងដាក់ប្រព័ន្ធលូ ប្រវែងប្រហែល២០០០ម៉ែត្របន្ថែមទៀត ។
សូមបញ្ជាក់ថា ចំពោះផ្លូវ ដែលគ្រោងជួសជុលនាថ្ងៃនេះ គឺត្រឹម១០០០ម៉ែត្រជាងនោះទេ ប៉ុន្តែ ខណៈលោក គាត ហ៊ុល អភិបាលក្រុងប៉ោយប៉ែត ចុះពិនិត្យ គ្រឿងចក្រ កំពុងស្ថាបនា ក៏មានប្រជាពលរដ្ឋ មកអបអរសាទ និងស្មើរសុំ ឱ្យលោកអភិបាលក្រុង ជួយស្ថាបនា ផ្លូវ ចំណុចខាងលើបន្ថែម ព្រោះសិស្សានុសិស្ស បានធ្វើដំណើរ មកសិក្សា ដោយយល់ពិទុក្ខ លំបាក របស់ ក្មួយៗ បងប្អូនប្រជាពលរដ្ឋ លោក គាត ហ៊ុល អភិបាលក្រុងប៉ោយប៉ែត ក៏ជូនតាមសំណូមពរ បងប្អូន ប្រជាពលរដ្ឋ ដោយស្ថាបនា រហូត ដល់ជាង២០០០ម៉ែត្រ តែម្ដងទៅស្ថិតក្នុង ភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ដោយ ៖លោកចាន់ពុធ
