ខេត្ដស្វាយរៀង៖ព្រឹកថ្ងៃចន្ទ ១៥កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែវិច្ឆិកា ឆ្នាំ២០២០ លោក គង់ វស្សា ប្រធានក្រុមប្រឹក្សាស្រុកចន្ទ្រា និងលោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំក្រុមការងាររួមមាន លោក លោកស្រីអភិបាលរងស្រុក មន្ត្រីរាជការសាលាស្រុក លោកមេឃុំព្រៃគគីរ ក្រុមប្រឹក្សាឃុំ លោកនាយរងប៉ុស្តិ៍នគរបាលរដ្ឋបាលឃុំ លោក លោកស្រី មេភូមិ អនុភូមិ និងជំនួយការភូមិ ចុះប្រគល់ផ្ទះជូនលោកយាយ ឥន សុផា អាយុ ៧៨ឆ្នាំ ជាជនក្រីក្រចាស់ជរា រស់នៅជាមួយប្អូន ១នាក់ នៅភូមិអង្គក្ដួច ឃុំព្រៃគគីរ ស្រុកចន្ទ្រា ដែលមានទទឹង ០៤ម៉ែត្រ បណ្ដោយ ០៦ម៉ែត្រ និងបានឧបត្ថម្ភសម្ភារៈមួយចំនួន រួមមានអង្ករ ៥០គីឡូក្រាម ទឹកត្រី ០១យួរ ទឹកស៊ីអ៊ីវ ០១យួរ មុង០១ កន្ទេល ០១ និង ថវិកា ៥០,០០០រៀល ។
បន្ទាប់មកលោក គង់ វស្សា ប្រធានក្រុមប្រឹក្សាស្រុក និងលោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំក្រុមការងារនាំយកសម្ភារៈរបស់អនុសាខាកាកបាទក្រហមកម្ពុជា ស្រុកចន្ទ្រា ទៅចែកជូនលោយាយ ប្រាក់ សុវន្នី ដែលមានជំងឺប្រចាំកាយរស់នៅភូមិកោះគោ ឃុំព្រៃគគីរ ។
សម្ភារៈរួមមាន អង្ករ ៥០គីឡូក្រាម ទឹកត្រី ០១យួរ ទឹកស៊ីអ៊ីវ ០១យួរ មុង ០១ កន្ទេល ០១ ខ្នើយ ០១ និងថវិកា ៥០,០០០រៀល ។
បន្ទាប់ក៏បន្តដឹកនាំក្រុមការងារចុះពិនិត្យមើលបុគ្គលិកអគ្គិសនីខេត្តស្វាយរៀងសាខាជីភូ ភ្ជាប់បណ្ដាញអគ្គិសនីជូនប្រជាពលរដ្ឋនៅភូមិកោះគោ ប្រើប្រាស់ប្រចាំថ្ងៃ ៕
