ភ្នំពេញ៖នៅថ្ងៃព្រហស្បតិ៍ ៣រោច ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែធ្នូ ឆ្នាំ ២០២០ វេលាម៉ោង ៨និង៣០នាទី លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ ជាប្រធាន សមាគមអតីតយុទ្ធជនកម្ពុជា ខណ្ឌដង្កោ តំណាងដ៏ខ្ពង់ខ្ពស់ឯកឧត្តម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ជាប្រធានសមាគមអតីតយុទ្ធជនកម្ពុជារាជធានីភ្នំពេញ បានដឹកនាំក្រុមការងារ ស.អ.ក ខណ្ឌដង្កោ និងសាខា ស.អ.ក សង្កាត់សាក់សំពៅ ប្រគល់ថវិកាបេឡាមរណៈសង្គ្រោះចំនួន ៤.០០០.០០០រៀល (បួនលានរៀល) ជូនដល់គ្រួសារ នៃសពឈ្មោះ សរ សុខា (ជនពិការ) ភេទប្រុស ជាសមាជិកអតីតយុទ្ធជនកម្ពុជាដែលបានទទួលមរណៈភាពដោយរោគាពាធ កាលពីថ្ងៃទី៣០ ខែកញ្ញា ឆ្នាំ២០២០ នៅភូមិពារាម សង្កាត់សាក់សំពៅ ខណ្ឌដង្កោ រាជធានីភ្នំពេញ ដែលមានអ្នកទទួលបណ្ដាំឈ្មោះ អ៊ុំ វុទ្ធី ភេទស្រី ត្រូវជាប្រពន្ធ ៕
