ភ្នំពេញ៖ នៅថ្ងៃអាទិត្យ ៦រោច ខែមិគសិរ ឆ្នាំ ជូត ទោស័ក ព.ស. ២៥៦៤ ត្រូវនឹងថ្ងៃទី០៦ ខែធ្នូ ឆ្នាំ២០២០ វេលាម៉ោង៩និង០០នាទី លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បានចែកម៉ាស់ដល់លោកនាយប៉ុស្ដិ៍នគរបាលរដ្ឋបាលទាំង១២ ដើម្បីយកទៅចែកដល់បងប្អូនប្រជាពលរដ្ឋនៅក្នុងមូលដ្ឋានរបស់ខ្លួន។
ក្នុងពេលជាមួយគ្នានោះដែរ លោកអធិការក៏បានចុះណែនាំផ្សព្វផ្សាយដល់បងប្អូនប្រជាពលរដ្ឋដែលធ្វើដំណើរតាមដងផ្លូវពីវិធានការទប់ស្កាត់នៃការរីករាលដាលនៃជម្ងឺកូវីដ-១៩ តាមការណែនាំរបស់ក្រសួងសុខាភិបាលដោយតម្រូវឲ្យពួកគាត់ត្រូវថែរក្សាអនាម័យ ត្រូវពាក់មា៉ស់ លាងសម្អាតដៃជាមួយទឹកសាប៊ូ អាល់កុល ឬជែលលាងដៃ ជាប្រចាំ ហើយក្នុងការចុះណែនាំផ្សព្វផ្សាយនេះដែរ លោកអធិការក៏បានចែកម៉ាស់ជូនពួកគាត់ ក្នុង០១នាក់ទទួលបានម៉ាស់មួយដើម្បីពាក់ផងដែរ។
ក្រោយពីទទួលបានម៉ាស់ពីលោកវរសេនីយ៍ឯកជឹម សុីថា អធិការ រួច កម្លាំងនគរបាលចរាចរណ៍ និង កម្លាំងប៉ុស្តិ៍នគរបាលរដ្ឋបាលទាំង១២ នៃអធិការដ្ឋាននគរបាលខណ្ឌដង្កោ បានចេញកម្លាំងចុះណែនាំផ្សព្វផ្សាយដល់ប្រជាពលរដ្ឋដែលធ្វើដំណើរតាមដងផ្លូវ តាមផ្សារ តាមបុរី ដែលស្ថិតនៅក្នុងមូលដ្ឋានរបស់ខ្លួនពីវិធានការទប់ស្កាត់នៃការរីករាលដាលនៃជម្ងឺកូវីដ-១៩ តាមការណែនាំរបស់ក្រសួងសុខាភិបាលដោយតម្រូវឲ្យពួកគាត់ត្រូវថែរក្សាអនាម័យ ត្រូវពាក់មា៉ស់ លាងសម្អាតដៃជាមួយទឹកសាប៊ូ អាល់កុល ឬជែលលាងដៃ ជាប្រចាំ ហើយក្នុងការចុះណែនាំផ្សព្វផ្សាយនេះដែរ កម្លាំងយើងក៏បានចែកម៉ាស់ជូនពួកគាត់ ក្នុង០១នាក់ទទួលបានម៉ាស់មួយដើម្បីពាក់ផងដែរ៕
