ខេត្ដកំពង់ស្ពឺ៖ ព្រឹកថ្ងៃពុធ ៩ រោច ខែមិគសិរ ឆ្នាំជូត
ទោស័ក ពុទ្ធសករាជ ២៥៦៤ត្រូវនឹងថ្ងៃទី៩ ខែធ្នូ ឆ្នាំ២០២០លោក ញ៉េន មុន្នីរតនៈ អភិបាលរង នៃគណៈអភិបាលស្រុកគងពិសីបានដឹកនាំក្រុមការងារ សសយក ស្រុកគងពិសី រួមជាមួយអាជ្ញាធរភូមិ ឃុំ ចុះអប់រំផ្សព្វផ្សាយណែនាំដល់ប្រជាពលរដ្ឋ ឲ្យយកចិត្តទុកដាក់អនុវត្តតាមការណែនាំរបស់ក្រសួងសុខាភិបាល ក្នុងការចូលរួមប្រយុទ្ធប្រឆាំងនឹងជំងឺកូវីដ១៩ និងបានណែនាំឲ្យពលរដ្ឋត្រូវពាក់ម៉ាស់ ឧស្សាហ៍លាងដៃនឹងអាល់កុល ជែល ឬសាប៊ូ ឲ្យបានញឹកញាប់ ។
ជាមួយនោះ ក្រុមការងារក៏បានធ្វើការចែកម៉ាស់ទឹកអាកុល ជែលលាងដៃ និងសាប៊ូ ជូនប្រជាពលរដ្ឋក្នុងឃុំព្រៃញាតិ ស្រុកគងពិសី ខេត្តកំពង់ស្ពឺ ផងដែរ៕
