ភ្នំពេញ ៖មន្ត្រីប៉ូលីសស័ក្តិ៤នៅក្រសួងមហាផ្ទៃម្នាក់ បានដកកាំភ្លេីងបាញ់សំដៅទៅលើបុរសម្នាក់ចំនួន២គ្រាប់ បណ្ដាលឲ្យត្រូវចំប្រអប់ជេីងមួយគ្រាប់រងរបួស និងមួយគ្រាប់ទៀតចំទ្វាកញ្ចក់បែកខ្ទេច បង្កការភ្ញាក់ផ្អេីលដល់អ្នកជិតខាង កាលពីវេលាម៉ោងប្រមាណ៩យប់ ថ្ងៃទី៩ ខែធ្នូ ឆ្នាំ២០២០ នៅតាមបណ្ដោយផ្លូវ៣៧១ ក្នុងសង្កាត់បឹងទំពុន២ ខណ្ឌមានជ័យ ជាប់ព្រុំប្រទល់និងសង្កាត់ដង្កោ ខណ្ឌដង្កោ រាជធានីភ្នំពេញ ។
ជនដៃដល់មានឈ្មោះ កេត ផារ៉េន ភេទប្រុស អាយុ៣៩ឆ្នាំ មុនរបបជាមន្ត្រីប៉ូលីសស័ក្តិ៤នៅក្រសួងមហាផ្ទៃ ។ រីឯជនរងគ្រោះឈ្មោះ ប៊ុនសុិម ភេទប្រុស អាយុ៣៩ឆ្នាំ មុខរបបនៅផ្ទះ ក្នុងសង្កាត់បឹងត្របែក ខណ្ឌចំការមន ។
យោងតាមសម្ដីជនរងគ្រោះបានរៀបរាប់ប្រាប់អ្នកសារព័ត៌មានឲ្យដឹងថា មុនពេលកេីតហេតុ រូបគាត់មានគ្នា៤នាក់ ជិះម៉ូតូចេញពីហូបចុកអីតិចតួចនៅម្ដុំបឹងត្របែក ហេីយជូនមិត្តភ័ក្តមកផ្ទះនៅកន្លែងកេីតហេតុ ខណៈមកដល់មុខផ្ទះមួយភ្លេត ស្រាប់តែលេចមុខជនដៃដល់ដែលធ្លាប់ស្គាល់គ្នាតែមិនជិតស្និត បានចុះពីលេីរថយន្តរបស់ខ្លួនមិនចាំម៉ាកហេីយដេីរឆ្លងផ្លូវមកសួរនាំមិត្តភ័ក្តគាត់មួយមាត់ពីរ រួចដេីរទៅជិះរថយន្តរបស់ខ្លួនវិញនៅលេីផ្លូវ៣៧១ ក្នុងសង្កាត់បឹងទំពុន២ ខណ្ឌមានជ័យ ក៏បេីកកញ្ចក់រថយន្តដកកាំភ្លេីងខ្លីបាញ់សំដៅមកជនរងគ្រោះដែលនៅផ្លូវម្ខាងទៀតក្នុងសង្កាត់ដង្កោ ខណ្ឌដង្កោ ចំនួន២គ្រាប់ ដោយមួយគ្រាប់ចំប្រអប់ជេីងខាងស្ដាំ និងមួយគ្រាប់ទៀតចំទ្វាកញ្ចក់មួយផ្ទាំងបែកខ្ទេច រួចហេីយក៏បេីករថយន្តគេចខ្លួនបាត់ ។ ចំណែកឯជនរងគ្រោះក៏ប្រញាប់ទៅមន្ទីពេទ្យដេីម្បីពិនិត្យនិងលាងរបួសភ្លាមៗផងដែរ ។ប្រភពដដែរបានបន្តទៀតថារូបគាត់និងជនដៃដល់ធ្លាប់មានទំនាស់គ្នាតិចតួចរយៈពេលជិត២ឆ្នាំកន្លងមកហើយ។
ក្រោយហេតុការមួយសន្ទុះក្រោយមក ជនរងគ្រោះបានមកកន្លែងកេីតហេតុវិញ ទេីបបង្កការភ្ញាក់ផ្អេីលដល់អ្នកសារព័ត៌មានជាច្រើនចុះមកផ្ដឹតយករូបភាព និងឡាយសម្ភាសផ្ទាល់ទេីបដឹងលឺដល់សមត្ថកិច្ចប៉ុស្ដិ៍នគរបាលបឹងទំពុន២ និងសមត្ថកិច្ចប៉ុស្ដិ៍នគរបាល ដង្កោ ចុះមកដល់ហេីយរុញដាក់គ្នា ទេីបជនរងគ្រោះសម្រេចចិត្តទុកសម្បកគ្រាប់ដែលរកឃេីញមួយគ្រាប់ រង់ចាំទៅដាក់ពាក្យបណ្ដឹងនៅមូលដ្ឋានកងរាជអាវុធហត្ថរាជធានីភ្នំពេញ ដេីម្បីឲ្យជួយស្រាវជ្រាវចាប់ជនបង្កយកមកផ្ដន្ទាទោសតាមច្បាប់ ៕
