ភ្នំពេញ៖ក្រសួងសុខាភិបាល ប្រកាសថា បុរសជនជាតិខ្មែរឈ្មោះ ខន ប្រសើរ អាយុ៣៧ឆ្នាំ ស្នាក់នៅសង្កាត់បឹងកក់២ ខណ្ឌទួលគោក បានទៅហាង Zando សាខាបឹងកេងកេង ត្រូវបានរកឃើញថា បានឆ្លង កូវីដ-១៩ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ។
តាមសេចក្តីជូនព័ត៌មានរបស់ក្រសួងសុខាភិបាល នៅថ្ងៃទី១០ ខែធ្នូ ឆ្នាំ២០២០ នេះ មនុស្សចំនួន៣៩នាក់ ហើយ បានឆ្លង កូវីដ-១៩ ក្នុងព្រឹត្តិការណ៍សហគមន៍២៨វិច្ឆិកា ។
ដោយឡែក បុរសជនជាតិខ្មែរម្នាក់ទៀតឈ្មោះ យ៉េ វាសនា អាយុ២៩ឆ្នាំ ជាអ្នកដំណើរពីប្រទេសជប៉ុន ដោយឆ្លងកាត់ប្រទេសកូរ៉េខាងត្បូង ត្រូវបានក្រសួងសុខាភិបាល ប្រកាសថា បានឆ្លង កូវីដ-១៩ តែមិនពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ទេ ៕
