ខេត្ដព្រៃវែង៖ បុរសម្នាក់បានយកដែកចំពុះទុង យ៉ាងស្រួចចាក់ទៅលើប្រពន្ធខ្លួនឯង បណ្តាលឲ្យរងរបួសធ្ងន់ ប៊ិះនឹងស្លាប់ ព្រោះតែខឹងប្រច័ណ្ឌ។
ហេតុការណ៍នេះកើតឡើង កាលពីព្រឹកអាទិត្យថ្ងៃទី១៣ ខែធ្នូរ ឆ្នាំ២០២០ វេលាម៉ោង៩និង១០នាទី នៅចំនុចផ្ទះឈ្មោះញេស ទូច ស្ថិតនៅភូមិព្រៃអង្គុញ ឃុំព្រៃកណ្តៀង ស្រុកពាមរក៏ ខេត្តព្រៃវែង។
ជនបង្ករជាប្តីឈ្មោះអុីម អាត់ អាយុ ២៩ឆ្នាំ ជនជាតិខ្មែរមុខរបរ កសិករ នៅភូមិព្រៃអង្គុញ បានយកចំពុះទុងចាក់ទៅលើប្រពន្ធឈ្មោះទូច ស្រីម៉ាប់ អាយុ ២៧ឆ្នាំ
បណ្តាលអោយរងរបួសធ្ងន់ បញ្ជូនទៅ សង្គ្រោះបន្ទាន់ នៅមន្ទីរពេទ្យខេត្តព្រៃវែង។ ចំណែកឯប្តី បានគេចខ្លួនបាត់ស្រមោល និងបានកាន់ចំពុះទុងដែលជាវត្ថុតាងទៅជាមួយផង។
បច្ចុប្បន្ន សមត្ថកិច្ចកំពុងស្រាវជ្រៀវរកជនដៃដល់៕
