ខេត្ដព្រៃវែង៖ នៅព្រឹកថ្ងៃអង្គារ ១កើត ខែបុស្ស ឆ្នាំជូត ទោសក័ព.ស២៥៦៤ ត្រូវនឹងថ្ងៃទី១៥ ខែធ្នូ ឆ្នាំ២០២០ លោកវរសេនីយ៍ឯកសួន សំអឿន អធិការនគរបាលស្រុកកំពង់ត្របែក រួមនិងមន្ត្រីជំនាញក្រោមឱវាទ ព្រមទាំងក្រុមប្រឹក្សាឃុំគោខ្ចក បានចុះក្តាប់សភាពការណ៍នៅមូលដ្ឋាន និង បានធ្វើការងារមនុស្សធម៌ ចុះសួរសុខទុក្ខនិងចែកអំណោយដល់ចាស់ជរាក្រីក្រ០២គ្រួសារក្នុងឃុំគោខ្ចកមាន៖
១.លោកយាយព្រាប សូត្រ អាយុ៦៨ឆ្នាំ ភូមិហប់
២.លោកយាយ ឈឹម សន អាយុ៨២ឆ្នាំ ភូមិចំរេះ។
អំណោយក្នុងមួយគ្រួសារមានថវិកា១០០,០០០រៀល អង្ករ២៥គីឡូក្រាម មី០១កេះ ទឹកត្រី០១យួរ និងទឹកស៊ីអុីវ០១យួរនិងសម្ភារះប្រើប្រាស់មួយចំនួនទៀត។
អំណោយទាំងអស់បានមកអំពីការគៀងគរមិត្តភក្តិបងប្អូនអាជីវករផ្សារកអណ្តើកលោកថៃហុងនិងភរិយានិងផ្សារគោខ្ចកលោក វ៉ា សំអូននិងភរិយា។
ក្នុងឱកាសនោះដែរលោកវរសេនីយ៍ឯកសួន សំអឿន តំណាងឲ្យក្រុមគ្រួសារជនចាស់ជរាក្រីក្រ០២គ្រួសារសូមជូនពរដល់ម្ចាស់អំណោយ រកទទូលទានកាន់តែមានបានទាំងអស់គ្នា៕
