ខេត្ដបន្ទាយមានជ័យ៖ ក្រុមការងារប្រតិកម្មរហ័សនៃស្នងការដ្ឋាននគរបាលខេត្ដបន្ទាយមានជ័យ មានកិត្ដិយសសូមធ្វេីការបំភ្លឺជួនសាធារណជន អ្នកសារព័ត៌មាននឹងបណ្ដាញទំនាក់ទំនងសង្គម មេត្ដាទទួលជ្រាបថា៖ កាលពីថ្ងៃអង្គារទី១៥ខែធ្នូឆ្នាំ២០២០ មានគេហទំព័រហ្វេសបុកមួយចំនួនចុះផ្សាយព័ត៌មានមន្ដ្រីនគរបាលនៃស្នងការដ្ឋាននគរបាលខេត្ដបន្ទាយមានជ័យចំនួន៣របផឹកសុីផ្ទុះអាវុធ។
ពាក់ពន្ធ័ករណីខាងលេីនេះស្នងការដ្ឋាននគរបាលខេត្ដបន្ទាយមានជ័យ សូមបំភ្លឺព័ត៌មានដូចតទៅ៖ នៅថ្ងៃសុក្រទី១១ខែធ្នូឆ្នាំ២០២០ វេលាម៉ោងប្រហែល១៧និង០០នាទីស្នងការដ្ឋាននគរបាលខេត្ដបានទទួលព័ត៌មានពីប្រជាពលរដ្ឋតាមរយះទូរសព្ទ័ពាក់ពន្ធ័នឹងករណីផ្ទុះអាវុធ ស្ថិតនៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្ដបន្ទាយមានជ័យ។
ក្រោយពីទទួលបានព័ត៌មានពីប្រជាពលរដ្ឋភ្លាមៗលោកឧត្ដមសេនីយ៍ស្នងការ បានបញ្ជាឲ្យកម្លាំងនគរបាលប្រចាំបញ្ជានឹងកម្លាំងអធិការដ្ឋាននគរបាលក្រុងសិរីសោភ័ណ ចុះស្រាវជ្រាវនឹងសេុីបសួរ។
នៅពេលកម្លាំងនគរបាលចុះទៅដល់កន្លែងកេីតហេតុពិនិត្យឃេីញថា ពិតជាមានករណីផ្ទុះអាវុធពិតប្រាកដមែនដែលបង្កឡេីងដោយមន្ដ្រីនគរបាលមានឈ្មោះដូចខាងក្រោម៖
១.លោកវរសេនីយ៍ត្រី ឈឹម អឿត អត្ដលេខ៤៤៨១៦ ឋាននាយផ្នែករដ្ឋបាលសរុបនៃការិយាល័យសរុបផែនការ(ម្ចាស់ផ្ទះ)បានផ្ទុះអាវុធចំនួនមួយគ្រាប់ដោយបាញ់ឡេីងលេីក្នុងពេលកំពុងផឹកសុី។
២.លោកអនុសេនីយ៍ទោ សៀក វិនសៀង អត្ដលេខ៨១៣៦១ ឋានមន្ដ្រី នៃអធិការដ្ឋាននគរបាលក្រុងសិរីសោរភ័ណបានផ្ទុះអាវុធចំនួន១គ្រាប់ដោយបាញ់ឡេីងលេី ក្នុងពេលកំពុងផឹកសុី។
៣.លោកអនុសេនីយ៍ឯក ឧត្ដម ឆរត្ន័ អត្ដលេខ៨១៨៨៨ ឋាននាយរងផ្នែកនៃការិយាល័យរដ្ឋបាល បានចូលរួមផឹកសុីជុំគ្នា តែមិនបានផ្ទុះអាវុធទេ។
បន្ទាប់មក លោកឧត្ដមសេនីយ៍ស្នងការ បានបញ្ជាឲ្យនាំខ្លួនបន្ដ្រីនគរបាល៣រូប មកកាន់ស្នងការដ្ឋាននគរបាលខេត្ដបន្ទាយមានជ័យ(ការិយាល័យនគរបាលព្រហ្មទណ្ឌកម្រិតធ្ងន់)ដេីម្បីសាកសួរជុំវិញករណីផ្ទុះអាវុធ រួចប្រគល់ជួនការិយាល័យបុគ្គលិក ដេីម្បីគ្រប់គ្រងបន្ដ។
នៅថ្ងៃចន្ទ័ទី១៤ខែធ្នូឆ្នាំ២០២០ លោកឧត្ដមសេនីយ៍ស្នងការ បានអញ្ចេីញសមាជិកក្រុមព្រឹក្សាវិន័យនៃស្នងការដ្ឋាននគរបាលខេត្ដបន្ទាយមានជ័យ ចូលរួមប្រជុំករណិមន្ដ្រីនគរបាលទាំង៣រូបខាងលេីហេីយរៀបចំរបាយការណ៍គោរពស្នេីរសុំគោលការណ៍តាមឋានានុក្រម ឲ្យស្របតាមវិន័យនគរបាលជាតិ លេខ០០៦បបជ។
អាស្រ័យហេតុនេះ សូមសាធារណជន អ្នកសារព័ត៌មាន នឹងបណ្ដាញទំនាក់ទំនងសង្គម មេត្ដាទទួលជ្រាបជាព័ត៌មាន៕
