ខេត្ដព្រៃវែង៖ ល្បែងស៊ីសងជល់មាន់ បៀរ អាប៉ោងនឹងយូគី ជ្រកក្នុងកាស៊ីណូ777បើកដៃអោយជនជាតិខ្មែរចូលលេងម៉ាសេរីល្បីថាម្ចាស់បនល្បែងខាងលើរត់ការក្រោមតុតាំងពីថ្នាក់ស្រុកដល់ខេត្ត ដែលទីតាំងល្បែងខាងលើនៅឃុំបន្ទាយចក្រី ស្រុកព្រះស្តេច ខេត្តព្រៃវែង។
ប្រភពពីប្រជាពលរដ្ឋលេីកឡេីងថា កាសុីណូ777មួយនេះពួកគាត់ឃេីញមានតែពលរដ្ឋខ្មែរចូលលេងរហូតពពាក់ពពួនគ្នាយ៉ាងគគ្រឹកគគ្រេងដោយមិនខ្លាចញញ្ញេីតនឹងអាជ្ញាធរ សមត្ថកិច្ចមូលដ្ឋានឡេីយ។
ឯណាទៅភូមិឃុំមានសុវត្ថិភាព៩ចំណុចរាដ្ឋាភិបាលកម្ពុជា បានអោយអនុវត្តន៍នោះ។
មេការបនល្បែងខាងលើត្រូវបានគេស្គាល់ឈ្មោះ ភាជ បើកលេងល្បែងប្រជល់មាន់ អាប៉ោងនិង យូគី នៅក្នុងកាស៊ីណូ777មួយនេះ។
យោងតាមច្បាប់ព្រហ្មទណ្ឌ៖ល្បែងសុីសង ជនណាដែលលេងល្បែងសុីសងនឹងកាងល្បែងសុីសង ត្រូវផ្ដន្ទាទោសដាក់គុកពី១សប្តាហ៍ទៅមួយខែនិងពិនយ័ប្រាក់ពី១មុឺនរៀលទៅ១០មុឺនរៀល នឹង ផ្ដន្ទាទោសដាក់គុកពី១ឆ្នាំទៅ៥ឆ្នាំនិងពិនយ័ប្រាក់ពី៥លានរៀលទៅ២០លានរៀល។
ប្រភពពីក្រុមនាក់ញៀនល្បែងបានឧ្យដឹង ថា កាស៊ីណូ 777ខាងលើគេបានបិទមួយរយះខ្លីតែប៉ុណ្ណុះ ពេលថ្មីៗនេះ បើកលេងឡើងវិញ បើកលេងជារៀងរាល់ថ្ងៃ មិនថាថ្ងៃ អាទិត្យ ឬថ្ងៃចន្ទនោះទេ។
គួររំលឹកថា ស,ជ,ណ ដែលចេញដោយទីស្តីការគណៈរដ្ឋមន្ត្រីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្ត រាល់ល្បែងស៊ីសងគឺដាច់ខាត គ្មានសង្វៀនល្បែងភ្នាល់ជល់មាន់ ឬបក្សីកីឡានោះទេ ម្យ៉ាងទៀតពលរដ្ឋមិនត្រូវបានអនុញ្ញាតឲ្យចូលលេងល្បែងក្នុងកាស៊ីណូនោះឡើយ។
ពលរដ្ឋ សូមសំណូមពរ ដល់លោក ជាសុ មេធី អភិបាលខេត្តព្រៃវែង នឹងលោក ព្រំុ សន្ធ ស្នងការដ្ឋាននគរបាលខេត្តសូមមេត្តាមានវិធានការចំពោះ កាសុីណូខាងលើផងទាន ព្រោះល្បែងសុីសងជាដើមចមនៃអំពើចោរកម្មនិងកើតមានអំពើហឹង្សាក្នុងគ្រួសារ។
ជំវិញករណីខាងលើនេះអង្គភាពសារព័ត៌មាន BPN News បានទំនាក់ទំនងតាមរយ:ទូរស័ព្ទទៅ លោក ពៅ ជីវី ស្នងការ រង ផែនព្រហ្មទណ្ឌខេត្តព្រៃវែង ដោយលោកថា ជាប់រវល់ប្រជំុ។
ចំពោះលោកវរសេនីយ៍ឯកជ័យ សេងហ៊ាង អធិការនគរបាលស្រុកព្រះស្ដេច ហៅទូរសព្ទ័ចូលតែមិនមានអ្នកទទួល ហេីយបន្ដសុំបំភ្លឺតាមប្រពន្ធ័អេឡិចត្រូនិច(what App)ដោយលោកអញ្ចេីញចូលមេីលហេីយតែមិនឆ្លេីយតបសូម្បីតែមួយម៉ាត់៕
